Ընդլայնվում են ԻՌՆԱ և Ալջազիրա գործակալությունների համագործակցությունները
Երկուշաբթի օրը Կատարում հանդիպում են ունեցել Իրանի իսլամական հանրապետության ԻՌՆԱ և Կատարի Ալջազիրա լրատվական գործակալությունների տնօրենները և քննարկել են հարաբերությունների ընդլայնման եղանակները:
«ԻՌՆԱ» լրատվական գործակալության հաղորդման համաձայն, ԻՌՆԱ-ի գործադիր տնօրեն՝ Մոհամմեդ Խոդադին կարևորել է տեղեկությունների փոխանակումը որպես երկրների քաղաքականությունների և ժողովուրդների համագործակցության ձևավորման կարևոր գործոն: Նա կարևորել է նաև լրատվամիջոցների որոշիչ դերը հատկապես տարածաշրջանի երկրների միջև խաղաղություն հաստատելու և ծայրահեղականությունը վանելու ուղղությամբ:
Նշելով, որ լրատվամիջոցների աշխատանքի խափանմանն ուղղված ցանկացած քայլ ապարդյուն է լինելու, ԻՌՆԱ-ի տնօրենն ասել է.«Իրանի լրատվամիջոցները փորձում են ժողովուրդների միջև փոխըմբռնում տարածելով և համագործակցությունն ընդլայնելով նպաստել խաղաղության հաստատմանը»:
Կատարի Ալջազիրա հեռուստաընկերության տնօրեն Մուստաֆա Սավաղը այդ գործակալության պատրաստակամությունն է հայտնել ԻՌՆԱ-ի հետ համագործակցությունն ընդլայնելու համար:
Կատարի մարդու իրավունքների հանձնաժողովի հրավերով «Խոսքի ազատություն, սպառնալիքի դիմագրավում» նիստին մասնակցելու նպատակով Կատար է այցելել ԻՌՆԱ լրատվական գործակալության տնօրենը:
