Շամխանի.«Արևմուտքի կողմից ահաբեկչությունը որպես գործիք օգտագործելը հանգեցրել է այդ երևույթի տարածմանը Եվրոպայում»
Իրանի Ազգային անվտանգության գերագույն խորհրդի քարտուղարն ընդգծել է.«Անցած օրերի ընթացքում տեղի ունեցած դեպքերը ցույց տվեցին ,որ Իրաքում ու Սիրիայում որոշ երկրների կողմից ահաբեկչությունը որպես գործիք օգտագործվելու արդյունքում այդ չարաբաստիկ երևույթը տարածվել է Եվրոպայում ու չեն կարողանում սանձել այն»:
Ալի Շամխանին ասել է.«Տարածաշրջանային ու արևմտյան որոշ երկրների կողմից ահաբեկչական խմբավորումների սպառազինումն ու վարժեցումը պատճառ է դարձել, որ այդ չարաբաստիկ երևույթը տարածվի Եվրոպայում»:
Նշելով,որ Թեհրանի դեմ Վաշինգտոնի պաշտոնյաների սպառնալի հայտարարությունները հանրային կարծիքի մոտ ավելի թափանցիկ են դարձնում ԱՄՆ միլիտարիստական կողմնորոշումները, Շամխանին հստակեցրել է.«Ամերիկացիների սպառնալի ոճը ոչ մի ազդեցություն չի կարող ունենալ տարածաշրջանային հարցերում, պաշտպանական կարողության մակարդակը բարձրացնելու և բռնահարված ժողովուրդներին հովանավորելու Իրանի սկզբունքային քաղաքականությունների վրա»:
«Համատեղ գործողությունների համապարփակ ծրագիրը միջազգային համաձայնություն է և հաստատվել է ՄԱԿ-ի Անվտանգության խորհրդի կողմից, ուստի այն ստորագրող բոլոր կողմերը պետք է դիմակայեն ցանկացած անօրինական ու անխոհեմ քայլերին»․ հավելել է Իրանի ազգային անվտանգության գերագույն քարտուղարը:
