Ղասեմի.«Սանձարձակ ահաբեկչության դեմ պայքարը պահանջում է գլոբալ կոնսենսուս»
Իրանի իսլամական հանրապետության ԱԳ նախարարության խոսնակը դատապարտել է Լիբիայի Բենղազի քաղաքում տեղի ունեցած ահաբեկչական պայթյունները: Նա ցավակցություն է հայտնել զոհվածների հարազատներին:
Ինչպես հաղորդում է ԻՌՆԱ լրատվական գործակալությունը, Բահրամ Ղասեմին ասել է.«Սանձարձակ ահաբեկիչները, տարածաշրջանում կրած իրարահաջորդ պարտություններից հետո, շարունակում են կոտորել մարդկանց: Եվ այդ չարաբաստիկ երևույթի դեմ պայքարելու համար պահանջվում է գլոբալ կոնսենսուս»:
Լիբիայի Բենղազի քաղաքում, երկու ռմբադրված ավտոմեքենաների պայթյունի հետևանքով զոհվել ու վիրավորվել է ավելի քան 50 մարդ:
Խաղաղ բնակիչներից բացի, Լիբիայի Ազգային բանակի քննչական բաժնի հրամանատար Ահմադ Ալֆիթուրին և այդ երկրի մի քանի անվտանգության աշխատակիցներ զոհվել են ահաբեկչական հարձակումների հետևանքով: