Մեկնաբանություն. Իտալայի պաշտոնյաները նախազգուշացրել են ԵՄ-ի փլուզման վերաբերյալ
Կորոնավիրուսի բռնկումը և ԵՄ անդամ երկրներում հիվանդությունը վերահսկելու համար համընդհանուր կառավարման բացակայությունը կասկածի տակ է դրել ԵՄ ապագան:
Իտալիայի արտաքին գործերի և միջազգային համագործակցության նախարար Լուիջի Դի Մայոն նախազգուշացնելով այդ երկրում կորոնավիրուսի տարածման և այդ կապակցությամբ ԵՄ վարած քաղաքկանության կապակցությամբ, ասել է, որ եթե Իտալիան կործանվի, բոլորը կտուժեն:
Եվրոպայում, հատկապես Իտալիայում և Իսպանիայում կորոնավիրուսի ճգնաժամի պայմաններում, այդ երկրներին օգնելու հարցում ԵՄ պաշտոնյաների անգործությունը, նրանց հասցեին ուղղված քննադատությունների պատճառ են դարձել:
Կորոնավիրուսի տարածումից հետո Գերմանիան և Ֆրանսիան փակեցին իրենց սահմանները և որևէ բժշկական կամ առողջապահական օգնություն չուղարկեցին Իտալիային ու Իսպանիային: Եվրոպական թույլ երկրները օգնություն են ակնկալում են ավելի հարուստ երկրներից, սակայնէ՝ ապարդյուն: Նման պայմաններում Ռուսաստանն ու Չինաստանը բժշկական պարագաներ և սարքավորումներ են ուղարկել Իտալիա և Իսպանիա: Այս քայլը զայրացրել է Իտալիայի և Իսպանիայի պաշտոնատար անձանց:
Ճգնաժամը շարունակվելը, գործարանների և արտադրական կենտրոնների փակումը, տնտեսական անկումը և աճող գործազրկությունը նաև կանխատեսվող տնտեսական ճգնաժամը ևճգնաժամի հաղթահարման պլանավորման անհրաժեշտությունը ավելի են խորացրել եվրոպական երկրների միջև առկա ճեղքվածքը:
Եվրոպայում կորոնավիրուսի շարունակվող ճգնաժամի, և դրա հետևանքով աճող տնտեսական և քաղաքական մտահոգությունների արդյունքում, ԵՄ պաշտոնյաները համաձայնվել են 500 միլիարդ եվրո շտապ օգնության փաթեթ հատկացնել կորոնավիրուսի դեմ պայքարի համար: Եվրոպական երկրների միջև ճեղքվածքը և անհամաձայնություննրն օրեցօր ավելի ակնհայտ են դառնում: Հոլանդացի պաշտոնյաները կոչ էին արել որևէ երկրին օգնություն տրամադրելու դիմաց, պահանջել տնտեսական կոշտ քաղաքականության գործադրում: Չնայած Հոլանդիայի ընդդիմությանը, Գերմանիայի և Ֆրանսիայի պնդմամբ, բյուջեն հաստատվեց:
Իսպանիայի կառավարության խոսնակ Մարիա Խեսուս Մոնտերոն ասել է. «Եթե Եվրամիությունը չկարողանա համատեղ գործողություններ ձեռնարկել կորոնավիրուսի բռնկման դեմ պայքարելու համար, եվրոպացիները կկորցնեն կառույցի նկատմամբ վստահությունը»:
Եվրամիությունում անհամաձայնությունների աճը առիթ է ստեղծել ծայրահեղ աջ խմբերի և անջատողական խմբերի գործունեության համար և ենթահող՝ Եվրամիությունից որոշ երկրներիդ ուսր գալու: Այս հարցը վերջին տարիներին լուրջ սպառնալիք է դարձել Եվրամիության համար:
Ներկա լարված պայմաններում, երկրներն իրենց ազատ են իրենց քայլերում և փորձում են ավելի շատ կողմնակիցներ հավաքել: դա կարևոր է հատկապես հաշվի առնելորվ, որ որոշ երկրներում, այդ թվում՝ Գերմանիայում, առաջիկայում կայանալու են ընտրություններ:
Եվրամիությունն այժմ կանգնած է դժվար փորձության առջև:
Կորոնավիրուսի ճգնաժամը մեծ փորձություն է դարձել Եվրոպայի բազմակողմանիության և կոնվերգենցիայի քաղաքականության համար: Այս փորձությունը կերտելու է Եվրամիության առաջիկա տասնամյակների ապագան: Իտալիայի արտգործնախարարը զգուշացրել է ԵՄ առաջիկա 30 տարիների ապագայի մասին: Այս պատմական պայմաններում եվրոպացի պաշտոնյաները պետք է որոշեն՝ պահպանել ԵՄ-ը, թե՝ մասնատել այն:
