Մեկնաբանություն - Համաշխարհային հավասարումները դուրս են եկել ԱՄՆ-ի վերահսկողությունից
ԻԻՀ արտգործնախարարն ասել է, որ ԱՄՆ-ն այլեւս չի կարող վերահսկել աշխարհը, և որ արևմտյան հեգեմոնիայի դարաշրջանն ավարտված է:
Կարակասի Սամուել Ռոբինսոնի ինստիտուտում Վենեսուելայի Արտաքին գործերի նախարար Խորխե Արեասայի հետ հանդիպման ժամանակ, Մոհամադ Ջավադ Զարիֆը հայտարարել է, որ ԱՄՆ-ի կառավարությունն այլևս չի կարող կառավարել համաշխարհային իրադարձությունները:
Իրանի նկատմամբ ԱՄՆ-ի վարած քաղաքականության ուսումնասիրությունը, համաշխարհային հանրային կարծիքի համար պարզ է դարձրել ԱՄՆ-ի տարբեր կառավարությունների քաղաքականության և միակողմանի գործողությունների ձախողումը: ԱՄՆ քաղաքականությունը ձախողվեց ոչ միայն Իրանի, այլ նաև Վենեսուելայի դեպքում: Վենեսուելայի նորընտիր նախագահին կործանելու նպատակով Մադուրոյի հակառակորդներին ԱՄՆ լիակատար աջակցության ձախողումը ապացուցեց, որ ամեն ինչ չէ, որ գտնվում է Վաշինգտոնի վերահսկողության տակ:
Համաշխարհային բեմում տեղի են ունենում բազմաթիվ իրադարձություններ, որոնք կառավարվում և ուղղորդվում են առանց ԱՄՆ վարչակազմի միջամտության և հաջողություն են ունենում:
Աստանայի գործընթացը, որը կարեւոր դեր է խաղում սիրիական ճգնաժամի կարգավորման գործընթացում, այդ օրինակներից է: Աստանայի գործընթացում Իրանի արդյունավետ և ակտիվ դերը, Ռուսաստանի և Թուրքիայի հետ միասին, Սիրիայի և Արևմտյան Ասիայի տարածաշրջանի քաղաքական հավասարումները դուրս է բերել ԱՄՆ-ի վերահսկողությունից:
ԱՄՆ-ի կողմից ՄԱԿ-ի Անվտանգության խորհրդին ներկայացրած Իրանի զենքի էմբարգոն երկարաձգելու վերաբերյալ բանաձևի մերժումը նույնպես վկայում է ԱՄՆ-ի հեգեմոնիայի ավարտի մասին:
ԱՄՆ կառավարության կողմից կորոնավիրուսի դեմ անարդյունավետ պայքարը ևս վկայումէ երկրի ներսում իրավիճակը վերահսկելու կատռավարության անկարողության մասին: Սպիտակ տան «բնակիչների» անտարբերությունն այս մահացուց վիրուսի նկատմամբ, մահացության և վարակվածության բարձր ցուցանիշների պատճառ դարձավ, ինչը ևս վայում է այդ երկրի վարչակազմի քաղաքականության ձախողման մասին:
Այս առնչությամբ, Իրանի Իսլամական խորհրդարանի նախագահի միջազգային հարցերով հատուկ օգնական Հոսեյն Ամիր-Աբդոլլահյանը հայտարարել է. «Կորոնավիրուսի ճգնաժամն ապացուցեց, որ ամերիկյան իշխանություններն ի վիճակի չեն կառավարել ոչ միայն աշխարհը, այլև նաև սեփական երկիրը»:
Իրանի նկատմամբ ԱՄՆ Դոնալդ Թրամփի «առավելագույն ճնշման» քաղաքականության անարդյունավետությունը իրանցիների նկատմամբ պարտության հերթական օրինակն է:
Այս կապակցությամբ, ԱՄՆ Հարվարդի համալսարանի պրոֆեսոր Սթիվեն Ուոլթը կարծում է, որ ամերիկացի քաղաքական գործիչները, որ կոչ են անում տապալել այլ օտարերկրյա կառավարություններ և փոփոխություններ իրականացնել այդ երկրներում, դասեր չեն քաղել վերջին մի քանի տասնամյակների ընթացքում իրենց ձախողումներից:
Իսլամական հեղափոխության հաղթանակից հետո Միացյալ Նահանգների բոլոր կառավարությունները տարբեր ձևերով փորձել են փոխել Իրանի քաղաքականությունը, սակայն ամեն անգամ անհաջող: Իսկ Թրամփի վարչակազմը չկարողացավ ՀԳՀԾ-ից դուսր գալով, աշխարհը միավորել Իրանի դեմ, ինչն այս երկրի հեգեմոնիայի ավարտի հերթական ապացույցն է:
