Հյուսիսային Կորեայի միջուկային և հրթիռային ծրագիրը՝ ԱՄՆ-ի առավելատենչությունը վերահսկելու լծակ
Թրամփի նախագահության ավարտից մի քանի օր առաջ Հյուսիսային Կորեան իր զինված ուժերի շքերթում ցուցադրել է սուզանավային բալիստիկ նոր հրթիռ
Հյուսիսային Կորեայն սուզանավից արձակվող հրթիռը ներկայացնում է երկրի առաջնորդ Կիմ Չեն Ընի կողմից «Փխենյանի միջուկային կարողության բարձրացման» մասին հայտարարություններից մեկ շաբաթ անց:
Հյուսիսային Կորեան հայտարարել է, որ չի հրաժարվի իր հրթիռային և միջուկային ծրագրից, քանի դեռ ԱՄՆ-ն վերջ չի դրել Փխենյանի դեմ ուղղված իր թշնամական քաղաքականությանը:
Հյուսիսային Կորեայի Իշխող Աշխատավորական կուսակցության վերջերս կայացած համագումարից հետո, նոր հրթիռի ներկայացումը կարելի է համարել Փխենյանի նոր ռազմավարությունը՝ հնարավոր սպառնալիքները չեզոքացնելու ուղղությամբ:
Չնայած նախորդ շաբաթ Հյուսիսային Կորեայի իշխող կուսակցության ութերորդ համագումարում Կիմ Չեն Ընի ելույթում նկատվեցին փոփոխություններ, հրթիռային և միջուկային կարողությունների հզորացումը շարունակում է լինել այդ երկրի առաջնահերթությունը
Հյուսիսային Կորեայի ղեկավարը աննախադեպ հայտարարություն արեց, անդրադառնալով որոշ ներքին խնդիրների լուծումների նպատակով քաղաքացիների կողմից տնտեսական խնդիրների նկատմամբ հանդուրժողականությանը, արտադրության և տնտեսության մեծ ցատկին, ինչպես նաև արտաքին հարաբերությունների զարգացմանը, ներառյալ՝ Հարավային Կորեայի հետ համագործակցության ամրապնդմանը: Դա կարող է նբշանակել, որ Կիմ Չեն Ընի որոշ գաղափարներ փոփոխություն են կրել:
Այն պայմաններում, երբ Կորեական թերակղզում, հատկապես Հարավային Կորեայում և Հյուսիսային Կորեայում տեղի ունեցած փոփոխությունների մեծ մասը ազդել է ԱՄՆ-ի վերջին տարիների քաղաքականության վրա, Դոնալդ Թրամփի հեռացումը և Ջո Բայդենի պաշտոնը ստանձնելը նոր հույսեր են առաջացրել այս թերակղզում:
Սպիտակ տանը Թրամփի քառամյա պաշտոնավարման ընթացքում, Վաշինգտոն -Փխենյան հարաբերությունները եղել են շատ լարված:
Չնայած վերջին տարիներին Հյուսիսային Կորեայի առաջնորդի և ԱՄՆ նախագահի միջև երկկողմ հակամարտությունը դադարեցնելու մասին մի քանի անպտուղ բանակցություններին, երկու երկրների միջև լարվածությունն աննախադեպ էր: Այն աստիճան, որ Թրամփը նույնիսկ սպառնաց վերացնել Հյուսիսային Կորեան:
Հրթիռային և միջուկային փորձարկումները դադարեցնելու պատճառով Հյուսիսային Կորեայի նկատմամբ ԱՄն-ի սահմանած պատժամիջոցները պատճառ դարձան, որ Վիետնամում Դոնալդ Թրամփի և Կիմ Չեն Ընի բանակցությունների երկրորդ փուլից հետո, Փխենյանը վերսկսի իր պաշտպանական նոր ծրագրի մշակումը:
Այս ժամանակահատվածում Միացյալ Նահանգները ոչ միայն չկատարեց Հյուսիսային Կորեայի նկատմամբ սահմանված պատժամիջոցները վերացնելու իր պարտավորությանը, այլև թույլ չտվեց, որ երկու Կորեաների միջև հարաբերությունների կարգավորման համար հարմար մթնոլորտ ձևավորվի:
Արկածախնդիր Թրամփը հեռանում է Միացյալ Նահանգների իշխանությունից, և Հյուսիսային Կորեան հույս ունի, որ Բայդենը, հենվելով իր փորձառության վրա, Փխենյանի և Վաշինգտոնի հնարավոր բանակցությունների համատեքստում կկիրառի նոր քաղաքականություն, որը հիմնբված կլինի Հյուսիսային Կորեայի իրավունքները հարգելու վրա:
Չնայած Բայդենի արտաքին քաղաքականության մեջ ԱՄՆ-ի միակողմանիության ավարտի վերաբերյալ Հյուսիսային Կորեայի հույսերին, Կիմ Չեն Ընը քաջ գիտակցում է, որ երկկողմ հարաբերություններում առկա խնդիրները լուծելու հարցում Սպիտակ տան հետ սակարկելու հնարավորությունը մեծացնելու միակ ճանապարհը ռազմավարական և կանխարգելիչ ուժի, ներառյալ հրթիռային և միջուկային կարողության հզորացումն է: