Մեկնաբանություն. Ռազմական միջուկային տեխնոլոգիան իր դաշնակիցներին փոխանցելոով, ԱՄՆ-ն խախտում է NPT- ին
ԱՄՆ-ի հետ ռազմավարական կայունության հարցով Ժնևյան բանակցությունների ավարտին Ռուսաստանի փոխարտգործնախարար Սերգեյ Ռյաբկովն ասել է, որ Մոսկվան անհանգստացած է ամերիկա-բրիտանա-ավստրալական նոր եռակողմ դաշինքով (AUKUS):
Ռյաբկովի խոսքով՝ AUKUS շրջանակներում միջուկային շարժիչ տեխնոլոգիան կփոխանցվի Ավստրալիային ՝ սուզանավերի կառուցման համար:
Ռյաբկովը հայտարարել է, որ այս եռակողմ կոալիցիայի և Ավստրալիայի կողմից միջուկային ռազմական տեխնոլոգիաների ձեռքբերման շրջանակներում կատարված գործողությունները ակնհայտորեն հակասում են Միջուկային զենքի չտարածման պայմանագրին (NPT):
AUKUS կոալիցիայի ստեղծմամբ NPT- ի խախտման և մասնավորապես միջուկային ռազմական տեխնոլոգիաների Ավստրալիա փոխանցման վերաբերյալ Մոսկվայի պնդումը, մտահոգության նշան է ԱՄՆ ստանդարտների երկակի բնույթի վտանգավոր հետևանքների վերաբերյալ՝ կապված ռազմական ոլորտում միջուկային տեխնոլոգիաների օգտագործման հետ:
Միացյալ Նահանգների, Բրիտանիայի և Ավստրալիայի առաջնորդները սեպտեմբերի 15 -ին հայտարարեցին Խաղաղ և Հնդկական օվկիանոսներում դիվանագիտական, անվտանգության և ռազմական համագործակցության նոր կոալիցիայի ստեղծման մասին: Բայդենի վարչակազմի նպատակներից է, որպես Արևմտյան բլոկի անդամ Խաղաղ օվկիանոսում ռազմական և սպառազինական համագործակցությունը Ավստրալիայի հետ: Ինչը կարող է կարևոր դեր խաղալ Չինաստանին հակազդելու գործում: Այս առումով ԱՄՆ -ն Ավստրալիային տրամադրում է միջուկային սուզանավերի տեխնոլոգիա:
Մինչև 1958 թվականը Վաշինգտոնը միջուկային սուզանավերի ստեղծման գաղտնի տեխնոլոգիան որպես իր ռազմավարական դաշնակից մատակարարում էր միայն Բրիտանիային: Ֆրանսիայից 12 սուզանավերի գնման պայմանագրի չեղարկմամբ, Ավստրալիան Վաշինգտոնի և Լոնդոնի տեխնիկական աջակցությամբ 8 միջուկային սուզանավ կկառուցի Ադելաիդա նավահանգստում: Այսպես միջուկային զենք չունեցող երկիրն առաջին անգամ կհամալրվի միջուկային սուզանավով: Ներկայումս միայն խոշոր միջուկային տերությունները և Հնդկաստանը հագեցած են միջուկային էներգիայով աշխատող սուզանավերով, իսկ Ավստրալիան բացառություն է:
NPT- ի նպատակն է նվազեցնել աշխարհի միջուկային զինանոցը և, ի վերջո, վերացնել միջուկային զենքը, իսկ հակառակ գործողությունները հակասում են NPT- ին: Ավստրալիան միջուկային սուզանավերով վերազինելը կխրախուսի տարածաշրջանի մյուս երկրներին ՝ օգտվել այդ տեխնոլոգիայից, և կբարձրացնի ռազմական լարվածության և հակամարտության վտանգը Չինաստանի և ԱՄՆ դաշնակիցների միջև Հնդկաղաղօվկիանոսյան տարածաշրջանում, հատկապես Ավստրալիայում: Միացյալ Նահանգները, որը միշտ հավատարիմ է եղել երկակի չափանիշներին և ստանդարդներին, այս անգամ ևս աշխատում է Ավստրալիային միջուկային տեխնոլոգիայով զինելու ուղղությամբ՝ անկախ իր գործողությունների ռիսկային հետևանքներից: Եթե Միացյալ Նահանգներին հակադրվող երկիրը ձգտում է միջուկային էներգիայով սուզանավեր կառուցել, Արեւմուտքը և հատկապես ԱՄՆ-ը կտրականապես դեմ կլինեն դրան և նրանք դա դիտարկում են որպես քայլ դեպի միջուկային կարողությունների և տեխնոլոգիայի ռազմական կիրառության ձեռքբերման: Մոսկվան իր դիրքորոշման մեջ հստակորեն հայտարարել է, որ ԱՄՆ -ի քայլը հակասում է NPT- ին և քայլ է միջուկային զենքի կրճատման վերաբերյալ միջազգային համաձայնագրի թուլացման ուղղությամբ: