Մեկնաբանություն. Պուտինը պնդում է, որ Եվրամիությունը մեղավոր է Եվրոպայի գազային ճգնաժամի հարցում
Քննադատելով Եվրամիության գազային քաղաքականությունը, ՌԴ նախագահ Վլադիմիր Պուտինն ասել է.«Բրյուսելը մեծ սխալ է թույլ տվել նվազեցնելով բնական գազի երկարաժամկետ առևտրի մասնաբաժինը՝ տեղափոխվելով տեղական շուկա, որտեղ գներն հասել են ամենաբարձր մակարդակի: Նա ընդգծել է, որ գազի գնի վրա ազդող գործոններից է երկարաժամկետ պայմանագրերի խզումը հօգուտ կանխիկ շուկայի: Այսօր ակնհայտ է, որ այս քաղաքականությունը սխալ է եղել»:
Պուտինի այս խոսքերն ուղղված են եվրոպական որոշ երկրների կողմից «Գազպրոմ» ընկերության հետ երբեմն իրենց պայմանագրերի տարբեր փուլերի չեղարկման որոշմանը: Ռուսաստանի նախագահն ընդգծել է, որ ներկայիս իրավիճակը եվրոպական էներգետիկ շուկայում «Քաղաքական քայլերից և հապճեպ որոշումներից հրաժարվելու վառ օրինակ է»:
Չնայած ռուսական գազային կախվածությունը նվազեցնելու Եվրոպայի երկարատև քաղաքականությանը, Մոսկվան դեռ մատակարարում է ԵՄ-ի անդամ երկրների գազի մոտ 30 տոկոսը: Առավել քան երբևէ ավելացել է եվրոպացիների կախվածությունը ռուսական բնական գազից: Հաշվի առնելով Եվրամիությունում գազի արդյունահանման նվազումը և այլ խոշոր մատակարարների, այդ թվում Նորվեգիայի և Նիդերլանդների գազի արդյունահանման նվազումը, Եվրոպայում բնական գազի մատակարարման մեջ Ռուսաստանի մասնաբաժինը կարող է ավելանալ: Ի դեպ «Հյուսիսային հոսք-2» գազատարի կառուցման աշխատանքների ավարտվելը և դրա փորձնական շահագործման մեկնարկը կարող են դիտվել որպես Եվրոպային ռուսական գազի մատակարարման շարունակման նշան առաջիկա տարիներին:
Չնայած գազատարի շահագործմանը, Եվրահանձնաժողովը վերջին տարիներին վարում էր Եվրոպա գազի մատակարարման դիվերսիֆիկացման , ինչպես նաև Եվրոպայի գազի շուկայում ռուսական Գազպրոմին դիմակայելու քաղաքականություն: Ռուսաստանի նախագահը նկատի ունի Եվրամիության նույն սխալ քաղաքականությունը, որը եվրոպական երկրներում գազի գների աննախադեպ բարձրացում է առաջացրել և առաջիկա ձմռանը գազի պակասի ճգնաժամի հեռանկար ստեղծել:
Եվրոպացի քննադատներն այս հարցում մեղադրում են Ռուսաստանին: Նրանց խոսքով՝ Մոսկվան դիտավորյալ սահամանափակել է Եվրոպային գազի մատակարարումը որպեսզի թափ հաղորդի «Հյուսիսային հոսք- 2» գազատարի շահագործմանը:
Գերմանացի լրագրող Լոռեթա Գրեյսն ասում է.«Չնայած ամառվա շոգին և գազի ավելի քիչ սպառմանը, գազի գինը օրերս հասել է վերջին 13 տարիների ամենաբարձր մակարդակին»: Փորձագետները դա պայմանավորում են նրանով, որ ռուսաստանյան «Գազպրոմ» գազային հսկան մեկ հինգերորդով նվազեցրել է գազի մատակարարումները Եվրոպային, դա այն դեպքում ,երբ պահանջարկն աճել է առաջին եռամսյակում:
Չնայած Եվրամիությունը պնդում է ռուսական գազից կախվածություն չունենալու և իր գազային աղբյուրները դիվերսիֆիկացնելու վրա, սակայն ԱՄՆ-ի շարունակական ճնշումները ևս ազդեցիկ են եղել այս հարցում: Բարաք Օբամայի նախագահությունից ի վեր Վաշինգտոնը միշտ դեմ է եղել «Հյուսիսային հոսք-2» գազատարի կառուցմանն ու շահագործմանը` ռուսական գազից Եվրոպայի կախվածության հետևանքով վտանգներին դիմակայելու պատրվակով և կոչ է արել Միացյալ Նահանգներից հեղուկացված բնական գազի ներմուծման ծավալներն ավելացնել: Այժմ, երբ Եվրոպան կանգնած է գազային ճգնաժամի առջև, կարծես Վաշինգտոնը դա կօգտագործի որպես հնարավորություն՝ Եվրոպային հեղուկացված բնական գազը բարձր գներով վաճառելու համար:
