Ռուսաստանը ցանկություն է հայտնել համագործակցել Իրանի հետ՝ Արևմուտքի պատժամիջոցները շրջանցելու հարցում
Ռուսաստանի արտաքին գործերի նախարար Սերգեյ Լավրովը չորեքշաբթի օրն իր երկրին կոչ է արել գործնական քայլեր ձեռնարկելարևմտյան երկրների պատժամիջոցները Իրանի հետ միասին շրջանցելու և չեզոքացնելու ուղղությամբ։ Նա ասել է.«Մոսկվան Թեհրանի հետ կհամագործակցի և գործնական քայլեր կանի, որոնք հնարավորություն կտան շրջանցել Արեւմուտքի պատժամիջոցները»:
Չինաստանում իր ռուս գործընկերոջ հետ հանդիպման ժամանակ, Իրանի արտգործնախարար Հոսեյն Ամիր Աբդոլլահյանն անդրադառնալով հարեւանների հետ համագործակցության Թեհրանի քաղաքականությանը, մերժել է երկրների դեմ միակողմանի պատժամիջոցների կիրառումը։ Իսկ Լավրովն անդրադառնալով հարևանների, հատկապես՝ Իրանի հետ համապարփակ համագործակցության հարցում իր երկրի շահագրգռվածությանը, ասել է, որ երկու երկրների հարաբերությունները առանձնահատուկ նշանակություն ունեն և ընդգծել է Իրանի հետ համագործակցությունը զարգացնելու իր երկրի պատրաստակամությունը։
Արևմտյան պատժամիջոցները չեզոքացնելու համար Իրանի հետ սերտ համագործակցելու Ռուսաստանի ցանկությունն արտահայտվել է՝ հաշվի առնելով Թեհրանի երկար ու արժեքավոր փորձը՝ արևմտյան երկրների, հատկապես ԱՄՆ-ի կողմից ահմանված անօրինական և անմարդկային պատժամիջոցներին դիմակայելու հարցում:
ԱՄՆ-ի գլխավորած արևմտյան բլոկը վերջին մեկ ամսվա ընթացքում Ռուսաստանի՝ Ուկրաինա դեմ հարձակման պատրվակով, բոլոր հնարավոր ոլորտներում լայնածավալ և աննախադեպ պատժամիջոցներ է կիրառել Մոսկվայի նկատմամբ:
Քաղաքագետ Դևիդ Փիերսոնն ասել է.«Հեշտ չի լինի խաթարել Ռուսաստանի 1,5 տրիլիոն դոլարանոց տնտեսությունը, հատկապես որ 2014թ. Ղրիմի թերակղզին Ռուսաստանին կցելուց հետո, այս երկիրը սկսել է միջազգային պատժամիջոցներից պաշտպանվելու իր ջանքերը»։
Այս պատժամիջոցներն ընդգրկում են տնտեսական, առևտրային, էներգետիկ, ֆինանսական և բանկային, քաղաքական և դիվանագիտական, նույնիսկ լրատվական և սպորտային հարթություններ: Թեև ռուս պաշտոնյաներն ավելի վաղ հայտարարել էին, որ պատրաստ են դիմակայել պատժամիջոցներին, այժմ թվում է, որ արևմտյան պատժամիջոցների մասշտաբներն ու խստությունը նրանց համար անակնկալ են եղել:
Այս պատժամիջոցները կործանարար ազդեցություն են ունեցել Ռուսաստանի վրա։ Այսպիսով, Մոսկվան այժմ ուղիներ է փնտրում՝ նվազեցնելու արևմտյան պատժամիջոցների կործանարար ազդեցությունը: Հաշվի առնելով, որ Իրանը, իսլամական հեղափոխությունից հետո միշտ ենթարկվել է արևմտյան բլոկի, հատկապես ԱՄՆ-ի բոլոր տեսակի պատժամիջոցներին, այս տասնամյակների ընթացքում, հատկապես ԱՄՆ նախկին նախագահ Դոնալդ Թրամփի նախագահության օրոք «առավելագույն ճնշման» քարոզարշավի մեկնարկից հետո , մշակել է տարբեր մարտավարություններ, և մեթոդներ՝ պատժամիջոցները շրջանցելու համար:
Որդեգրելով «առավելագույն դիմադրության» քաղաքականություն և միաժամանակ իրացնելով իր ներքին կարողությունները և օգտագործելով իր տնտեսական, արդյունաբերական, գյուղատնտեսական և գիտական հնարավորությունները, հատկապես գիտելիքահենք ընկերությունների միջոցով, Իրանը կարողացել է մեծապես չեզոքացնել պատժամիջոցների բացասական հետևանքները:
Ռուսաստանը, որ ենթարկվել է արևմտյան ամենախիստ պատժամիջոցների, պատրաստ է օգտագործել Իրանի արժեքավոր փորձը՝ այդ պատժամիջոցները շրջանցելու համար:
Արևմուտքի կողմից երկրների դեմ միակողմանի պատժամիջոցներին ընդդիմանալու շրջանակում և Ռուսաստանի հետ հարաբերությունների բարձր մակարդակը հաշվի առնելով, անշուշտ այս հարցում Իրանը Մոսկվայի հետ կունենա արժեքավոր համագործակցություն:
Միևնույն ժամանակ, Իրանն ունի զգալի հնարավորություններ Ռուսաստանի կարիքները բավարարելու, ինչպես նաև նրա արտադրանքը գնելու համար, ուստի կարելի է ակնկալել, որ երկու երկրների միջև տնտեսական, առևտրային և ֆինանսական փոխանակումների ծավալը կուղեկցվի զգալի աճով:
