Իրանը նախազգուշացրել է Եվրամիությանը
Իրանի ԱԳ նախարար Հոսեյն Ամիր Աբդոլլահյանը չորեքշաբթի օրը հեռախոսազրույց է ունեցել ԵՄ արտաքին քաղաքականության պատասխանատու Ջոզեպ Բորելի հետ։ Հեռախոսազրույցի ընթացքում կարծիքներ են փոխանակվել պատժամիջոցների չեղարկման բանակցությունների վերջին կարգավիճակի, Եվրամիության հետ երկկողմ հարաբերությունների և Իրանում տեղի ունեցող վերջին իրադարձությունների շուրջ։
Ամիր Աբդոլլահյանն Իրանի ներքին իրադարձությունների մասին ասել է.«Մեր ներքին օրենքների համաձայն՝ լրջորեն հետևում ենք Մահսա Ամինիի մահվան հարցին: Մենք խաղաղ պահանջները համարում ենք ժողովրդի իրավունքը և միշտ ուշադրություն ենք դարձնում դրանց, սակայն... խռովարարների ու ահաբեկիչների հետ օրենքով սահմանված կարգով ենք վերաբերվելու»։
Ամիր Աբդոլլահյանը նախազգուշացրել է.«Եթե Եվրամիությունը անհիմն ամբաստանությունների հիմամբ և խռովարարներին ու ահաբեկիչներին հովանավորելու գծով, որոնք թիրախավորել են ժողովրդի կյանքն ու ունեցվածքը, հապճեպ քաղաքական գործողություններ ձեռնարկի, մենք ևս փոխադարձ քայլի ենք դիմելու»:
Հեռախոսազրույցի ընթացքում Բորելը ասել է.«Ես ընդունում եմ, որ անկարգությունները և ահաբեկչությունը տարբերվում են խաղաղ ցույցերից , որոնց պետք է համապատասխան արձագանք տրվի: Մենք մտադիր չենք խնդիրներ ստեղծել Եվրամիության եւ Իրանի Իսլամական Հանրապետության հարաբերություններում»։
Հակառակ այս դիրքորոշմանը, Բորելը հինգշաբթի օրն իր նախկին դիրքորոշումից տարբերվող հայտարարություն է արել: Նա ասել է, որ կազմակերպությունը քննարկում է Իրանի դեմ նոր պատժամիջոցներ սահմանելու հարցը՝ «բողոքի ցույցերը ճնշելու և ձերբակալությունների» պատրվակով։ Նա ասել է, որ ԵՄ ԱԳ նախարարներն առաջիկա հանդիպման ժամանակ կքննարկեն Իրանի դեմ ավելի շատ պատժամիջոցներ կիրառելու հարցը։
Տպավորություն է ստեղծվում, որ ԱՄՆ-ի և սիոնիստական ռեժիմի լիակատար աջակցությամբ Իրանում տեղի ունեցող վերջին իրադարձությունների կապակցությամբ ԵՄ-ն որոշել է «խաղալ խաղալ Վաշինգտոնի դաշտում»: Ինչպես Ռուսաստանի դեպքում, փոխարեն իրենց շահերի մասին մտածելու, այս անգամ էլ եվրոպացիները փորձում են ԱՄՆ-ի գոհունակությունը շահելու համար, ԱՄՆ-ին համահունչ դիրքորոշում ընդունել, այդ թվում՝ հակաիրանական նոր պատժամիջոցներ սահմանել :
Հետաքրքիր է նաև, որ ԱՄՆ-ի նախագահ Ջո Բայդենը ևս հոկտեմբերի 3-ին, ի հովանավորություն Իրանում վերջին անկարգությունների, մի հաղորդագրությամբ նշել է, որ ԱՄՆ-ը նոր պատժամիջոցներ է սահմանելու Իրանի պաշտոնատարների դեմ, որոնք ըստ Վաշինգտոնի «մասնակցում են ցուցարարների դեմ բռնություններին»: Այսպիսով Եվրոպան ևս մտադիր է ԱՄՆ-ի նման կրկին Իրանի դեմ պատժամիջոցի սպառնալիքով հանդես գալ: Առանց մտածելու, որ վերջին մի քանի տասնամյակների ընթացքում պատժամիջոցների գործիքը, որը բազմիցս կիրառվել է Արևմուտքի կողմից Իրանի դեմ և կորցրել է իր արդյունավետությունը։ Բացի այդ, ԱՄՆ-ին կուրորեն հետևելն անշուշտ, շատ բացասական հետևանքներ կունենա եվրոպացիների համար։ Իրանի արտաքին գործերի նախարարության քաղաքական հարցերով տեղակալ Ալի Բաղերին ասում է.«Չնայած եվրոպացիներն իրանական ընկերությունների հետ երկարաժամկետ պայմանագրեր ունեն, սակայն ԱՄՆ-ի ճնշման պատճառով, այդ երկրի շահերը գերադասել են եվրոպացիների շահերին և ոտնահարելով իրենց շահերը, խիստ նվազեցնում են իրենց տնտեսական հարաբերությունները Իրանի հետ: Իրանը ևս լուռ չի մնալու և ամեն գնով հետամուտ է լինելու իր շահերի իրականացմանը»:
