Մեկնաբանություն-Իրանի «Ֆաթթահ» գերձայնային հրթիռը հեղափոխական և վճռորոշ ձեռքբերում ժամանակակից պատերազմում
2023 թվականի հունիսի 6-ին (Իրանական 1402 թվականի խորդադ ամսի 16-ին) ԻԻՀ նախագահ Սեյեդ Էբրահիմ Ռայիսիի ներկայությամբ տեղի է ունեցել «Ֆաթթահ» գերձայնային «հիպերսոնիկ» հրթիռի շնորհանդեսը: Այս հրթիռը Իսլամական հեղափոխության պահապանների կորպուսի ավիատիեզերական ուժերի նորագույն ռազմավարական ձեռքբերումն է:
Ընդգծելով, որ Իրանում պաշտպանական և հրթիռային արդյունաբերությունը տեղայնացվել է, Ռայիսին ասել է.-«Իրանի զսպող ուժը կայուն անվտանգության և խաղաղության կետ է տարածաշրջանի երկրների համար։ Պաշտպանական և հրթիռային արդյունաբերությունն Իրանում տեղայնացվել է, և դա չի ներմուծվել, ուստի հնարավոր չէ սպառնալիքով մարգինալացնել այս զարգացած արդյունաբերությունը»:
«Ֆաթթահ» հիպերձայնային հրթիռն ունակ է անցնել հակահրթիռային պաշտպանության բոլոր համակարգերով և ոչնչացնել այդ համակարգերը։ Այս հրթիռը, որն ունի 13-ից 15 մախ արագություն և մարտավարական հնարավորություններով 1400 կմ հեռահարություն, երկրորդ փուլի շարժվող վարդակով պինդ վառելիքի շարժիչ ունենալու բերումով շատ բարձր արագությունների հասնելու կարողություն ունի: Այս հրթիռը նաև ունակ է մթնոլորտի ներսում և դրսում կատարել մանեւրներ թշնամու բոլոր տեսակի հակահրթիռային համակարգերը հաղթահարելու նպատակով:Ձայնի արագությունը գերազանցելը , ռադիոալիքների արգելափակումը, բարձր մանևրելու ունակությունը և ուղղությունը փոխելը, ռադարից խուսափելը և ուղու անկանխատեսելիությունը Ֆաթթահ հիպերձայնային հրթիռի հիմնական բնութագրերն են: Իսլամական հեղափոխության պահապանների կորպուսի ավիատիեզերական ուժերի հրամանատար գեներալ Հաջիզադեն նշելով, որ նոր Ֆաթթահ հրթիռն անցնում է բոլոր հակահրթիռային համակարգերով, ասել է,-«Այս հրթիռը թիրախավորում է թշնամու հակահրթիռային համակարգերը և սերնդային մեծ թռիչք է հանդիսանում հրթիռների ոլորտում»։
Հիպերձայնային հրթիռները նորագույն ռազմական զենքերից են, որոնք այսօր արտադրվում և շահագործվում են այնպիսի երկրների կողմից, ինչպիսիք են Ռուսաստանը և Չինաստանը: Միացյալ Նահանգները նույնպես զարգացնում և օգտագործում է դրանք: Հիպերձայնային հրթիռների արտակարգ բարդության պատճառով աշխարհի շատ քիչ երկրներ են կարողացել դրանք նախագծել, մշակել և գործարկել:
Իրանի կողմից հիպերձայնային հրթիռային տեխնոլոգիաների ձեռքբերումը և դրա գործարկումը, անկասկած, վճռորոշ և հեղափոխական իրադարձություն է ժամանակակից պատերազմի ոլորտում, և այսուհետ Իսլամական Իրանի թշնամիները, հատկապես Սիոնիստական ռեժիմը, ստիպված կլինեն վերանայել իրենց հաշվարկները՝ կապված Իրանի վրա հարձակվելու սպառնալիքի հետ: Թել Ավիվը, որը միշտ պնդում էր, որ ի վիճակի է դիմակայել Իրանի բալիստիկ հրթիռներին, այժմ այլ ելք չի ունենա, քան խոստովանել «Ֆաթթահ» հիպերձայնային հրթիռին դիմակայելու իր անկարողությունը՝ հրթիռ, որը օկուպացված Պաղեստին կհասնի առավելագույնը 400 վայրկյանում:
Հիմնականում հիպերձայնային հրթիռները շատ արժեքավոր զենքեր են, քանի որ ներկայումս դրանք որսալու և ոչնչացնելու օպերատիվ և հուսալի մեթոդ գրեթե չկա։ Արևմտյան երկրները անկարող են դիմակայել հիպերձայնային հրթիռներին, և այն օրվանից երբ Ռուսաստանը, որպես հիպերձայնային հրթիռների առաջին օգտագործող, դրանք օգտագործել է Ուկրաինայի պատերազմում, արևմտյան երկրների հակահրթիռային համակարգերը չեն կարողացել դիմակայել դրանց:
Այսպիսով, պետք է ասել, որ Իրանի կողմից հիպերձայնային «Ֆաթթահ» հրթիռի ներկայացմամբ և գործարկմամբ նոր էջ է բացվել պատերազմի ճակատագիրը փոխելու կարողություն ունեցող և խաղ փոխող զենքերի արտադրության ոլորտում: Այս նոր փոփոխությունը «Ֆաթթահ» հրթիռն Արևմտյան Ասիայի տարածաշրջանում ռազմական և սպառազինության հավասարումները կփոխի հօգուտ Իրանի և կստիպի իսլամական Իրանի թշնամիներին վերանայել Իրանի նկատմամբ ցանկացած թշնամական գործողության ոլորտում իրենց հաշվարկները: