Հյուսիսային Կորեան մերժել է իր միջուկային սպառազինությունը կրճատելու ԱՄՆ-ի առաջարկը
ԱՄՆ Պետքարտուղար Մայք Պոմպեոն ասել է, որ Հյուսիսային Կորեան չի համաձայնվել իր միջուկային սպառազինությունը 60-70 տոկոս կրճատելու Վաշինգտոնի առաջարկությանը:
Պոմպեոն ավելացրեց. «Մենք համաձայն ենք Հյուսիսային Կորեայի 60-70 տոկոսի զինաթափմանը, սակայն այդ երկրի առաջնորդը չի ընդունում այս առաջարկը»:
Որոշ փորձագետներ համոզված են, որ Կիմ Չեն Ընի հոր հետ Քլինթոնի խոստմնադրժության փորձը պատճառ է դարձել որ Հյուսիսային Կորեան մերժի ԱՄՆ-ի հետ բանակցության առաջարկը: Հյուսիսային Կորեայի հետ ԱՄՆ-ի բանակցությունները լավ չեն ընթանում, և Սպիտակ Տունը մտահոգված է բանակցությունների համար: Պոմպեոյի խոսքերը ցույց են տալիս, որ Միացյալ Նահանգները հրաժարվել է ամբողջական միջուկային զինաթափման առաջարկից, և Վաշինգտոնը ակնհայտորեն նահանջել է իր նախկին դիրքերից:
Հյուսիսային Կորեայի դեմ շարունակվող սպառնալիքները, ԱՄՆ-ի զորավարժությունները Կորեական թերակղզում իր դաշնակիցների հետ, Հյուսիսային Կորեայի դեմ ամերիկացի պաշտոնյաների նվաստացուցիչ հայտարարությունները և ամենակարևորը, Իրանի դեմ ԱՄՆ-ի դիրքորոշումը ՀԳՀԾ-ի հարցով, բոլորը կարող են անվստահություն առաջացնել Հյուսիսային Կորեայի և ԱՄՆ-ի բանակցությունների շարունակման գործընթացում: Այնուամենայնիվ, թվում է, որ ամենակարևոր խնդիրը որ պատճառ դարձավ Կիմ Չեն Ընը հրաժարվի բանակցել ԱՄՆ-ի հետ և չվստահել ամերիկացիներին Վաշինգտոնի միակողմանի հրաժարումն էր ՀԳՀԾ-ից:
Ամերիկացի ավագ սենատոր Բեն Քարդինի խոսքով. «ԱՄՆ-ի հանդեպ վստահության բացակայության վերաբերյալ Իրանի փաստարկն ապացուցվեց ՀԳՀԾ-ից Դոնալդ Թրամփի կառրավարության դուրս գալով»:
Միջազգային պարտավորությունների և համաձայնագրերի նկատմամբ Միացյալ Նահանգների անհավատարմությունը խոչընդոտ է հանդիսանում Կորեական թերակղզում բանակցությունների համար:
ՀԳՀԾ-ից ԱՄՆ-ի դուրս գալը և Անվտանգության խորհրդի բանաձևի խախտումը արժանացել են համաշխարհային հանրության քննադատությանը: Միջազգային համաձայնագրերի նկատմամբ, Միացյալ Նահանգների անհավատարմությունը երկրներին այն եզրակացության է բերել, որ ԱՄՆ-ի հետ բանակցելու և համաձայնագիր կնքելու դեպքում, արդյոք ԱՄՆ-ը կկատարի իր պարտավորությունները, թե ՀԳՀԾ-ի կամ Կլիմայական փոփոխության մասին Փարիզյան համաձայնագրի նման դուրս կգա նոր համաձայնագրերից:
ՀԳՀԾ-ի հետ կապված իրադարձությունները և ԱՄՆ-ի հետ բանակցության կապակցությամբ Իրանի զգուշացումները Հյուսիսային Կորեայի պաշտոնյաներին դարձրին զգոն: ԱՄՆ-ի որոշ քաղաքացիների ազատ արձակումից հետո Փխենյանը որևէ փոխադարձ դրական քայլ չի տեսել Վաշինգտոնից: Եվ այժմ եկել է այն եզրակացության, որ բանակցությունները պետք է օգտագործել միայն որպես հակազդեցության լծակ ԱՄՆ-ի հետագա քայլերը զսպելու համար:
Սենատի արտաքին հարաբերությունների հանձնախմբի փոխնախագահ սենատոր Բոբ Մենենդեսը հայտարարել է. «Մենք չպետք է զարմանանք Հյուսիսային Կորեայի վարքագծով, որը ցույց է տալիս, որ Թրամփի մոտեցումները և նրա հապճեպ ու ապարդյուն գործողությունները ձախողվել են»:
Թվում է, թէ ձախողվել է Դոնալդ Թրամփի միջազգային քաղաքականությունը և Հյուսիսային Կորեան փորձում է ԱՄՆ-ի հետ այնպիսի համաձայնության հասնել, որը կարող է դիմակայել ԱՄՆ-ի քայլերին: