Իրաքի Ալ- Հաշդ Ալ-Շաաբին հարձակվել է Սիրիայի Դեյր Էլ-Զորում գտնվող ԻԼԻՊ-ի ահաբեկիչների դիրքերի վրա
Իրաքի «Ալ- Հաշդ Ալ-Շաաբի»-ի կողմից Սիրիայի արևելյան Դեյր Էլ-Զոր նահանգում գտնվող ԻԼԻՊ-ի ահաբեկիչների դիրքերի վրա իրականացված հարձակման հետևանքով սպանվել են առնվազն 15 ահաբեկիչներ:
Ինչպես հաղորդում է «Ալ-Ալամ» հեռուստաընկերությունը, Դեյր Էլ-Զոր նահանգի հարավ-արևելյան Սուսե տարածքում, ԻԼԻՊ-ի դիրքերը հայտնվել են Իրաքի «Ալ- Հաշդ Ալ-Շաաբի»-ի ուժերի հրետանային հարձակումների թիրախում:
Ավելի վաղ, Իրաքի «Ալ- Հաշդ Ալ-Շաաբի»-ի հայտարարության համաձայն՝ այդ երկրի կործանիչները ռմբակոծել են ԻԼԻՊ ահաբեկչական խմբավորման պարագլուխների հանդիպման վայրը, որտեղ սպանվել են ԻԼԻՊ-ի 7 պարագլուխներ:
Սիրիայում ԻԼԻՊ-ի ահաբեկիչների հավաքման կենտրոնների վրա Իրաքի օդային ու ցամաքային հարձակումներն իրականանում են ահաբեկչության դեմ պայքարին ուղղված Դամասկոս-Բաղդադ համագործակցության շրջանակում:
Չնայած Իրաքում ու Սիրիայում ԻԼԻՊ ահաբեկչական խմբավորման կրած պարտությանն, այդ խմբի մնացած անդամները ցրված են Իրաքի ու Սիրիայի սահմանամերձ շրջաններում: