Ալ-Հասաքայի բնակիչները բողոքի ցույց են անցկացրել ԱՄՆ-ի կողմից հովանավորվող ուժերի դեմ
Սիրիայի հյուսիս-արևելքում գտնվող Ալ-Հասաքա նահանգի բնակիչները բողոքի ցույց են անցկացրել ԱՄՆ-ի կողմից աջակցվող սիրիական քրդական ժողովրդավարական ուժերի դեմ:
ԻՍՆԱ-ի հաղորդման համաձայն, հինգշաբթի օրը հարավային Սիրիա Ալ-Հասաքա նահանգի Ալ-Շադադի քաղաքի բնակիչները բողոքի ցույց են անցկացրել տարածքում քաոսի, առևանգումների, սպանությունների, կուռուպցիայի և այդ տարածքում քրդական ժողովրդավարական ուժերի դաժան գործողությունների դեմ:
Սիրիական աղբյուրների հաղորդման համաձայն, Միացյալ Նահանգները վերջին շաբաթվա ընթացքում ավելի շատ զինտեխնիկա է ուղարկել Ալ-Հասաքա նահանգի նավթահորերի շրջաններ և ռազմական պատրաստության դասընթացներ է կազմակերպում քրդական ժողովրդավարական ուժերի համար:
Ռուսական ուժերը նահանգի Ալ-Մալիքիայի քաղաքի ծայրամասում ռազմաբազա են կառուցել:
Լրատվամիջոցները հայտնում են, որ Սիրիայի հյուսիսում, U-4 միջազգային մայրուղու թուրք-ռուսական պարեկության ուժերի ճանապարհի վրա, ռումբ է պայթել:
Պայթյունի զոհերի մասին մանրամասներ չեն հաղորդվել: