«Հաշդ ալ-Շաբի» խմբավորումը կանխել է ԻԼԻՊ-ի հարձակումը
«Հաշդ ալ-Շաբի» խմբավորումն Իրանի հետ սահմանակից՝ Իրաքի հյուսիսարևելյան Դիալե նահանգի Մեղդադիե շրջանում կանխել է ԻԼԻՊ-ի հարձակումը:
Խմբավորումն ուրբաթ օրը հայտարարություն է տարածել, որում ասվում է, որ ԻԼԻՊ-ի մի խումբ ահաբեկիչներ հարձակվել են Սաբթե գյուղում գտնվող աշխարհազորային հենակետի վրա, փորձելով ոչնչացնել ոստիկանական և բանակային տեխնիկան, ներառյալ՝ ջերմային տեսախցիկները: Սակայն «Հաշդ ալ-Շաբի»-ի 24-րդ բրիգադի ուժերին հաջողվել է կանխել հարձակումը:
Հարկ է նշել, որ իրաքցիների խնդրանքով, «Հաշդ ալ-Շաբի» խմբավորումն այդ տարածքում հիմնել է անվտանգության հենակետ և տեղակայել ջերմային տեսախցիկներ:
Իրաքյան աղբյուրներն ուրբաթ առավոտյան հայտնել են, որ Դիալե նահանգի Ալ-Ազիմ շրջանում, ԻԼԻՊ-ի ահաբեկիչները հարձակվել են բանակի բազայի վրա և սպանել 11 զինվորի:
