Արաբական երկրների Լիգան պատրաստ է միջնորդել Կատարի ճգնժամի հարցում
Արաբական երկրների Լիգայի գլխավոր քարտուղարն ընդգծել է Կատարաի ճգնաժամի կարգավորման նպատակով միջնորդելու` միության պատրաստակամությունը:
«Ռուսիա Ալ-Յոմ» գործակալության հաղորդմամբ, Հռոմում Իտալիայի ԱԳ նախարար Անջելինո Ալֆանոյի հետ համատեղ մամուլի ասուլիսում, Ահմեդ Աբու Ղեյդին ասել է, որ Լիգան պատրաստ է միջնորդել Կատարի հարցում:
Ահմեդ Աբու Ղեյդին հավաստել է, որ չի կարող որևէ կարծիք տալ արաբական երկրների պահանջների մասին , սակայն վստահեցրել է, որ այդ հարցում մոտ ապագայում արդյունքի հասնելն անհնարին է:
Ավելի վաղ նաև Կատարի ԱԳ նախարար Մոհամմեդ Բին Աբդոլռահման Ալ Սանին քննադատել էր Պարսից ծոցի ներկա ճգնաժամի հետ կապված Արաբական երկրների Լիգայի դիրքորոշումը: Նա ասել էր.«Կատարի դեմ անարդարացի քայլերի մեկնարկից ի վեր Լիգան ոչ մի քայլ չի արել»:
Կատարի ԱԳ նախարարը վերջերս Արաբիայի, Էմիրությունների, Բահրեյնի և եգիպտոսի պահանջներին այդ երկրի գրավոր պատասխանը հանձնել էր Քուվեյթի էմիր ՝ Սաբահ Ահմեդ Ջաբեր Սաբահին , իսկ արաբական չորս երկրները հայտարարել էին, որ ստացել են այն և մոտ ապագայում պատասխանելու են:
