ԱՊԼ-ն պահանջել է Գազայի վերջին դեպքը հետաքննող ՄԱԿ-ի փաստահավաք կոմիտե ստեղծել
Արաբական պետությունների լիգան (ԱՊԼ) մի հաղորդագրությամբ ՄԱԿ-ի գլխավոր քարտուղարից ու ԱԽ-ից պահանջել է Գազայի հատվածում սիոնիստների վերջին ոճրագործության կապակցությամբ փաստահավաք կոմիտե ստեղծել:
ԻՌՆԱ-ի հաղորդման համաձայն, երեքշաբթի օրը, Կահիրեյում գումարված արտահերթ նիստում, ԱՊԼ-ն քննարկել է Գազայի հատվածում Ղոդսը զավթած ռեժիմի զորայինների անցած ուրբաթ օրվա ոճրագործությունը:
Նիստը գումարվել է Պաղեստինի ինքնավար վարչակազմի դիմումի համաձայն:
Ուրբաթ օրը, հազարավոր պաղեստինցիներ, մասնակցելով Հողի օրվա 42-րդ տարելիցին նվիրված «Վերադարձի իրավունք» խաղաղ երթին, շարժվեցին դեպի զավթված տարածքների հետ Գազայի սահմանային գոտին, որտեղ իսրայելցի զորայինների կողմից հարձակման ենթարկվեցին:
Պաղեստինցի ցուցարարների դեմ Ղոդսը զավթած ռեժիմի զորայինների հարձակման հետևանքով նահատակվեցին առնվազն 17 և վիրավորվեցին ավելի քան 1400 պաղեստինցիներ:
Շատ երկրներ, այդ թվում ԻԻՀ-ն ու նաև միջազգային կազմակերպություններ դատապարտել են սիոնիստների այդ ոճրագործությունը: