Ավստրալիայի բնիկ պատգամավորը բողոքում է խորհրդարանում Բրիտանիայի թագավորի ներկայության դեմ
ParsToday - Ավստրալիայի բնիկ պատգամավորը, բողոքելով Ավստրալիայի խորհրդարանում Բրիտանիայի թագավորի ներկայության դեմ, նրան ասաց. «Դու իմ թագավորը չես»:
Ավստրալիայի խորհրդարանում Մեծ Բրիտանիայի թագավոր Չարլզ III-ի ելույթի ավարտից րոպեներ անց սենատոր Լիդիա Թորփը կտրուկ բողոքով շարժվեց դեպի ամբիոն և բղավեց. «Դու իմ թագավորը չես», «Այս երկիրը քեզ չի պատկանում»։ Ինչպես նշում է ParsToday-ը, Թորփը Բրիտանիային մեղադրել է Ավստրալիայի բնիկների նկատմամբ ցեղասպանություն իրականացնելու մեջ և պահանջել վերադարձնել այս երկրի բնիկ ժողովրդից գողացված հողատարածքներն ու ակտիվները։
Ավստրալացի պատգամավորը նաև պահանջել է բրիտանական թագավորին ներողություն խնդրել Ավստրալիայում կատարած հանցագործությունների համար։
Մոտ մեկ րոպե անց անվտանգության ուժները նրան հեռացրել են։
Վերջին տարիներին, հատկապես Մեծ Բրիտանիայի նախկին թագուհի Էլիզաբեթ II-ի մահից հետո, Ավստրալիայում մեծացել է այդ երկիրը բրիտանական թագավորի իշխանությունից անջատելու և հանրապետություն հռչակելու ցանկությունը։
Ներկայումս Ավստրալիան Ազգերի Բրիտանական Համագործակցության անդամ երկրներից է և ենթակա է այս երկրի միապետությանը։ Մինչդեռ ավստրալացիների մի ստվար զանգված ցանկանում է այս երկրում քաղաքական անկախություն և հանրապետության հինադրում։