Առաջիկա 5 տարում Իրանը վերականգնվող էներգիայի աղբյուրներից կարտադրի 50 հազար մեգավատ էլեկտրաէներգիա
էներգաարդյունավետության և օպտիմալացման 3-րդ համաժողովում ունեցած ելույթում, ԻԻՀ էներգետիկայի նախարար Աբբաս Ալիաբադին հայտարարել է․ «Էներգետիկայի նախարարության աջակցող քաղաքականության շրջանակներում, մասնավոր հատվածի և քաղաքացիների օգնությամբ, Իրանում վերականգնվող էներգիայի արտադրության հզորությունը առաջիկա 5 տարում կհասնի 50 հազար մեգավատի»։
Pars Today-ը, հղում անելով ԻՍՆԱ-ին, հայտնում է, որ ըստ Ալիաբադիի՝ Իրանը գազի պաշարներով աշխարհում զբաղեցնում է երկրորդ, իսկ նավթի պաշարներով՝ չորրորդ տեղը։
Նա նշել է․ «Իրանում օրական արտադրվում է 110 մլն լիտր դիզել, 120 մլն լիտր բենզին, 730 մլն խմ բնական գազ և 55 մլն լիտր մազութ, ինչը վկայում է այն մասին, որ էներգիայի արտադրության հզորությունը մեր երկրում շատ բարձր է»։
Նախարարը հավելել է․ «Հաջորդ տարվա համար նախարարությունը նախատեսել է գործադրել 14 նախագիծ, այդ թվում՝ ջերմային և վերականգնվող էլեկտրակայանների կառուցումը, գործող էլեկտրակայանների արդյունավետության բարձրացումը, էլեկտրակայանների ժամանակին վերանորոգումն ու կառավարումը, սպառման օպտիմալացումը և խելացի արդյունաբերությունը»։
Վերջին տարիներին Իրանը մեծ նշանակություն է տալիս վերականգնվող էներգիային։ Ավելի վաղ Իրանի վերականգնվող էներգիայի և էլեկտրաէներգիայի արդյունավետության կազմակերպության ղեկավար Մոհսեն Թարզթալեբը հայտարարել էր. «Վերականգնվող էներգիայի ոլորտում բացառիկ հնարավորություն է ստեղծվել և կառավարությունն ու իսլամական խորհրարանը աջակցում են այս ոլորտի զարգացմանը»։
ԻԻՀ 13-րդ կառավարությունան աշխատանքի ընթացքում էլեկտրակայանների հզորությանը հասել է ավելի քան 10 382 մեգավատի, իսկ մոտ 22 հազար մեգավատ հղզորությամբ էլեկտրակայանների կառուցման ծրագիրն իրացման փուլում է, 10-95 տոկոս առաջընթացով։