Ովքե՞ր էին Իսրայելի կողմից Լիբանանում սպանված իրանցի ամուսինները / Իրանի պատասխանը միանշանակ է
-
Լիբանանում նահատակված առաջին իրանցի կինը՝ Մասումեհ Քարբասի
ParsToday- Շաբաթ օրը Բեյրութի հյուսիսում Սիոնիստական ռեժիմի հարձակման ժամանակ Իրանի քաղաքացին զոհվել է իր լիբանանցի ամուսնու հետ։
Լիբանանում բնակվող Իրանի քաղաքացի նահատակ Մասումեհ Քարբասին իր ամուսնու՝ դոկտոր Ռեզա Ավազեհի հետ միասին զոհվել է շաբաթ օրը Բեյրութի հյուսիսում Իսրայելի ահաբեկչական ռեժիմի անօդաչու թռչող սարքի հարձակման հետևանքով։ Ինչպես նշում է ParsToday-ը, այս հանցագործությունը նշվում է որպես Լիբանանում Սիոնիստական ռեժիմի կողմից իրականացված իրանցի կնոջ առաջին նպատակային սպանությունը։
Այս առնչությամբ Իրանի դեսպանի կնոջ պատումը
Հրապարակված լուրերի համաձայն՝ շաբաթ օրը իսրայելական ռեժիմի անօդաչու թռչող սարքը նախ հրթիռ է կրակել Իրանի քաղաքացի Մասումեհ Քարբասիի և նրա լիբանանցի ամուսնու՝ Ռեզա Աբբաս Ավազեհի մեքենայի ուղղությամբ, որը դիպել է մեքենայի կողքին։ Այս հարձակումից հետո Ռեզա Աբբաս Ավազեհը մեքենայից դուրս է բերել կնոջը, սակայն անօդաչու թռչող սարքի երկրորդ կրակոցում երկուսն էլ զոհվել են։
Լիբանանում Իրանի դեսպանի կինը՝ Նարգես Ղադիրյանը, X սոցիալական ցանցում Մասումեհ Քարբասիի նահատակության և նրա հետ իր ծանոթության մասին գրել է. «Իմ սիրելի և բարի ընկերուհի տիկին Մասումեհ Քարբասին սպանվել է արյունարբու Սիոնիստական ռեժիմի կողմից։ Քանի ուրբաթ երեկոներ մենք արցունք ենք թափել Քոմեյլի աղոթքի արարողության ժամանակ՝ շշուկով աղոթելով և գովաբանելով Իսլամի մարգարեի տոհմին»։
Ղադիրյանը նաեւ գրել է.«Նա ուներ հինգ զավակ եւ միշտ աղոթքի էր գալիս իր 2 տարեկան դստեր հետ։ Նահատակության վեհ դիրքը թող փառավորի նրա մաքուր ու հավատքով հոգին»։
Ըստ Լիբանանում Իրանի դեսպանի կնոջ հայտարարության. «Ճիշտ չէ, որ ասում են, թե նահատակ Քարբասին առաջին իրանցի կինն է, ով զոհվել է Լիբանանի վերջին պատերազմում, քանի որ երբեմն Լիբանանի հարավում Սիոնիստական ռեժիմի կույր ռմբակոծությունների հետևանքով զոհվում են նաև տարիներ առաջ Լիբանան ներգաղթած և այստեղ բնակություն հաստատած իրանցիները. օրինակ՝ հոկտեմբերի 10-ին Լիբանանում բնակվող մի իրանցի տիկին «Էլհամ Բայգան» անունով իր 2 զարմուհիների՝ «Մահդիի» և «Զահրայի» հետ միասին նահատակվել են հարավային Լիբանանում գտնվող իրենց բնակելի տան ռմբակոծության պատճառով, սակայն տիկին Քարբասին Լիբանանում Սիոնիստական ռեժիմի նպատակային սպանության առաջին կին նահատակն է։
Իրանի դեսպանատան հայտարարությունը
Այս հանցագործությունից հետո Լիբանանում Իրանի Իսլամական Հանրապետության դեսպանությունը, դատապարտելով այս ահաբեկչությունը, կոչ է արել միջազգային հանրությանը անհապաղ գործնական և արդյունավետ քայլեր ձեռնարկել՝ պաշտպանելու անմեղ մարդկանց կյանքը, որոնք գտնվում են Սիոնիստական ռեժիմի պատերազմական մեքենայի մշտական սպառնալիքի տակ։
Իրանի արտգործնախարարության արձագանքը. Մենք բոլոր միջոցները կօգտագործենք Սիոնիստական ռեժիմին պատասխանատվության ենթարկելու համար
Իրանի արտգործնախարարության խոսնակը, դատապարտելով իրանցի ազնվական տիկնոջ և նրա լիբանանցի ամուսնու դաժան սպանությունը, ասել է. -Իրանի Իսլամական Հանրապետությունը կօգտագործի առկա բոլոր գործիքները՝ խնդրին հետամուտ լինելու և կատարած ոճրագործությունների համար Սիոնիստական ռեժիմին պատասխանատվության ենթարկելու նպատակով։
Անդրադառնալով քաղաքացիական վայրում և բանուկ փողոցում իրանցի այս տիկնոջ և նրա ամուսնու սպանության տեսանյութին, Իրանի արտգործնախարարության խոսնակ Էսմայիլ Բաղային Սիոնիստական ռեժիմի այս արարքը որակել է որպես ահաբեկչության և ռազմական հանցագործության վառ օրինակ։
Ըստ որոշ աղբյուրների, նահատակ Ավազեհը Թեհրանի համալսարանի շրջանավարտ նահատակ Մասումեհ Քարբասիի ամուսինն էր և Linux-ի ոլորտում աշխարհի լավագույն պրոֆեսորներից մեկը։
Ելնելով իրազեկ պաշտոնյայի հայտարարություններից, թեև Իրանը չի ցանկանում վեճ առաջացնել, սակայն Իրանի ռազմական և անվտանգության իշխանությունների պրակտիկայի համաձայն՝ այս հանցագործության պատասխանը միանշանակ է՝ ի պաշտպանություն Իրանի քաղաքացիների իրավունքների։