ԻԻՀ ԱԳ նախարար. Իրանը դեմ է տարածաշրջանում օտար երկրների միջամտությանը
ԻԻՀ ԱԳ նախրարը հայտարարել է, որ Իրանի դիրքորոշումներն են՝ տարածաշրջանի անվտանգությունը պաշտպանելը, օտար երկրների միջամտությանը հակազդելը և պատերազմի շրջանակի ընդլայնումը կանխելը։
Եգիպտոս, Հորդանան և Թուրքիա կատարած այցից հետո Թեհրան վերադառնալուց հետո լրագրողների հետ ճեպազրույցում, Աբբաս Արաղչին ասել է․ «Տարածաշրջանի երկրների պաշտոնյաների հետ հանդիպումներում ներկայացրել եմ Արևմտյան Ասիայում անապահովության և անկայունության տարածումը կանխելուն ուղղված Իրանի դիրքորոշումները և ընդգծել եմ տարածաշրջանի երկրների կայունության, անվտանգության և ազգային շահերի պաշտպանության, ինչպես նաև պատերազմի շրջանակի ընդլայնումը կանխելու ուղղությամբ համագործակցության անհրաժեշտությունը»:
Անդրադառնալով հայ-ադրբեջանական խաղաղության բանակցություններին, Արաղչին ասել է․ «Իրանի դիրքորոշումն է՝ տարածաշրջանի ներքին գործերին օտար երկրների միջամտությունը կանխելը, տարածքային ամբողջականությունը և ազգային ինքնիշխանությունը հարգելը, միջազգայնորեն ճանաչված սահմանները պահպանելը ուժի կիրառումից կամ սպառնալիքից խուսափելը»։
Իրանի արտաքին գործերի նախարարն ընդգծել է, որ շարունակելու է տարածաշրջանում խաղաղության, կայունության և կայուն անվտանգության հստատման ուղղությամբ դիվանագիտական խորհրդակցությունները։ Նա հավելել է, որ առաջիկայում Իրանի նախագահ Մասուդ Փեզեքշյանը կայցելի ՌԴ Կազան քաղաք, որտեղ նույնպես տեղի կունենան բարձր մակարդակով խորհրդակցություններ։