Փհենյանը երկու հրթիռ է փորձարկել
Հարավային Կորեան ուրբաթ առավոտյան հայտարարել է, որ Հյուսիսային Կորեան փորձարկել է երկու նոր հրթիռ:
Սա վերջին երկու շաբաթների ընթացքում Հս.Կորեայի իրականացրած յոթերորդ հրթիռային փորձարկումն է:
Կիմ Չեն Ընը հայտարարել է, որ Փհենյանի իրականացրած հրթիռային փորձակումները զգուշացում են՝ ուղղված Հարավային Կորեային՝ ԱՄՆ-ից զենք գնելու և Վաշինգտոնի հետ համատեղ զորավարժություն անցկացնելու կապակցությամբ:
Չնայած Հս. Կորեայի նախազգուշացումներին, Հարավային Կորեայի և ԱՄՆ-ի համատեղ զորավարժությունը մեկնարկել է անցած երկուշաբթի օրը և տևելու է 25 օր:
Հս. Կորեան ԱՄՆ-ի հետ միջուկային զինաթափման բանակցություններից ամիսներ առաջ դադարեցրել էր հրթիռային փորձարկումները, սակայն Վաշինգտոնի չափից դուրս մեծ պահանջների հետևանքով, բանակցությունների ձախողումից հետո, քայլեր է ձեռնարկում՝ իր միջուկային և հրթիռային գործունեության զարգացման ուղղությամբ: