ԱՄՆ-ը նոր պատժամիջոցներ է սահմանել Հյուսիսային Կորեայի նկատմամբ
ԱՄՆ վարչակազմը Հյուսիսային Կորեայի հետ բանակցելու ցանկության մասին խոսելուն զուգահեռ, նոր պատժամիջոցներ է սահմանել այդ երկրի դեմ:
Հյուսիսային Կորեայի հետ կապ պահպանելու պատճառով պատժամիջոցներ են սահմանվել Թայվանից երկու ֆիզիկական անձանց, երեք չինական ընկերությունների, ինչպես նաև պանամական դրոշի ներքո նավարկող Shang Yuan Bao նավի նկատմամբ: Այդ մասին նշված է ԱՄՆ ֆինանսների նախարարության հրապարակած հայտարարության մեջ:
Պատժամիջոցներ են սահմանվել նաև բեռնափոխադրման ցանցի դեմ, որը ներգրավված է եղել Հյուսիսային Կորեա բեռներ տեղափոխելու գործում: Այս մասին հայտարարել է ԱՄՆ-ի Ֆինանսների նախարարությունը:
ԱՄՆ պետքարտուղար Մայք Պոմպեոն վերջերս ընդգծել է Փխենյանի դեմ ճնշումներն ու պատժամիջոցները շարունակելու անհրաժեշտությունը:
Հյուսիսային Կորեայի ԱԳ նախարար Ռի Յունգ Հուն Պոմպեոյին համարել է բանակցության ու դիվանագիտության սարսափելի թույն, ասելով. «Պոմպեոն մութ ստվեր է նետել Վաշինգտոն-Փխենյան բանակցության հեռանկարի վրա: