Պենտագոնի անորոշ պատասխանը Արևմտյան Ասիայում ԱՄՆ 14 հազար զորայինների տեղակայաման վերաբերյալ հայտարարությանը
Պենտագոնի խոսնակը հերքել է 14 հազար ամերիկյան զորայիններին Միջին Արևելք գործուղելու վերաբերյալ հայտարարությունը:
Ալիսա Ֆարահը հինգշաբթի առավոտյան Թուիթերում արած գրառման մեջ նշել է. «The Wall Street Journal-ի հրապարակումը չի համապատասխանում իրականությանը: Միացյալ Նահանգները չի դիտարկում Միջին Արևելքում Իրանին դիմակայելու համար 14 հազար ամերիկյան զորայիններ տեղակայելու հարցը»:
Պենտագոնի խոսնակը սակայն չի նշել, արդյոք զորայինների նշված թիվը կամ նրանց տեղակայելու վերաբերյալ լուրը համապատասխանո՞ւմ են իրականությանը, թե՝ ոչ:
Wall Street Journal օրևաթերթը, հղում անելով իր աղբյուրներին, գրել էր, որ ԱՄՆ-ը, «Իրանին զսպելու» նպատակով, նախատեսում է զգալիորեն ավելացնել Միջին Արևելքում իր զորայինների թիվը:
Թերթը գրևել էր, որ հավանական է, որ առաջիկայում ԱՄՆ-ը 14 հազար զորային, մեծ թվով ռազմական տեխնիկա և նավեր տեղակայի Միջին Արևելքում:
Թերթը հավելել է, որև նախագահ Թրամփը բազմիցս իր դժգոհությունն է հայտնել այլ երկրներում ԱՄՆ-ի ռազմական ներկայության բարձր ծախսերի կապակցությամբ, նշելով, որ դրանք անօգուտ են:
