Համաշխարհային տնտեսությունն անգամ 2021 թ. վերջին կարող է լիարժեք չվերականգնվել. ԱՄՀ
Արժույթի միջազգային հիմնադրամի (ԱՄՀ) գլխավոր տնտեսագետ Գիտա Գոպինատխը կարծում է, որ կորոնավիրուսի համավարակից տուժած համաշխարհային տնտեսությունն անգամ 2021 թվականի վերջին կարող է լիարժեք չվերականգնվել:
ԱՄՀ-ն ակնկալվում է, որ համաշխարհային տնտեսությունն այս տարի կկրճատվի 3%-ով, որն ամենվատ ցուցանիշն է մեծ դեպրեսիայից ժամանակներից ի վեր:
Հիմնադրամը կանխատեսում է, որ 2021 թվականին համաշխարհային տնտեսությունը կաճի 5,8%-ով: «Սակայն սա միայն մասնակի վերականգնում է: Մենք սպասում ենք, որ 2021 թվականի ավարտին համաշխարհային տնտեսական ակտիվությունը մինչև վարակի ի հայ գալն արված կանխատեսումից ցածր կլինի», -ասել է Գոպինատխը CNBC-ին տված հարցազրույցում:
Նա նաև համեմատել է «կորոնաճգնաժամը» 2008 թվականի ֆինանսա-տնտեսական ճգնաժամի հետ: «Եթե համեմատենք ներկայիս իրավիճակը 2008-ի գլոբալ ֆինանսական ճգնաժամի հետ, մասշտաբներն ավելի մեծ են, իսկ ռեակցիան շատ արագ»,- ասել է Գոպինատխը:
Նա նկատել է, որ աշխարհի պետությունները ճգնաժամի հետևանքների մեղմման համար շուրջ 8 տրիլիոն դոլար կներարկեն տնտեսություն: Ընդ որում, հայտարարված գումարի առյուժի բաժինը՝ շուրջ 7 տրիլիոն դոլարը, ներարկում են G20 երկրները, ինչը նշանակում է, որ դրամական խթանների ծավալը խիստ անհամաչափ է բաշխված:
«Մենք ամենից շատ մտահոգվում ենք զարգացող տնտեսությունների համար, որոնք ավելի քիչ ֆիսկալ հնարավորություններ ունեն»,-հավելել է նա՝ հավելելով, որ այդ պետություններն ավելի ծանր դրության մեջ են:
Verelq.am
