ԱՄՆ-ի գաղտնի գործակալությունը խոստովանել է, որ բողոքարարների նկատմամբ պղպեղի սփրեյ է կիրառվել
ԱՄՆ-ի գաղտնի ծառայությունը հաստատել է լուրերը, որ Սպիտակ տան դիմաց ցուցարարների դեմ արցունքաբեր գազ և պղպեղի սփրեյ է կիրառվել:
Հիլ կայքի տեղեկացմամբ, շաբաթ երեկոյան, ԱՄՆ-ի գաղտնի ծառայությունը հայտարարել է, որ կազմակերպության գործակալներից մեկը հունիսի մեկին Վաշինգտոնի Լաֆայթ հրապարակի մոտ, անվտանգությունն ապահովելու համար պղպեղի սփրեյ է օգտագործել:
Ավելի վաղ, ԱՄՆ-ի ոստիկանությունը հերքել էր բողոքարարների դեմ բռնություն կիրառելու մասին շրջանառված լուրերը:
Վերջին օրերի ընթացքում, Դոնալդ Թրամփի Սենթ. Ջոնզ եկեղեցի այցելելու համար տարածքը հարմարեցնելու նպատակով, Լաֆայթ հրապարակի մոտակայքում գտնվող բողոքարարների նկատմամբ ճնշման գործադրումն արժանացել է սուր քննադատությունների:
Սենթ Ջոնզ եկեղեցի այցելության ժամանակ Թրամփին ուղեկցել են ԶՈՒ ԳՇ պետ Մարք Միլին և մեծ թվով անվտանգության ուժեր: Այցն այնքան աղմուկ բարձրացրեց, որ Թրամը հարկադրվեց ներողություն խնդրել քաղաքացիներից:
Մարք Միլիի մերձավորներն ասում են, որ նա մտադիր է հրաժարական ներկայացնել:
