Մոսկվան դրական է գնահատել ՀԳՀԾ-ի շուրջ ստեղծված իրավիճակը
ՄԱԿ-ում Ռուսաստանի Դաշնության մշտական ներկայացուցչի տեղակալը դրական է գնահատել Իրանի միջուկային համաձայնագրի շուրջ ստեղծված իրավիճակը: Այս մասին հաղորդում է Թասնիմ լրատվական գործակալությունը:
ՄԱԿ-ում ՌԴ-ի մշտական ներկայացուցչի առաջին տեղակալ Դմիտրի Պոլյանսկին Նյու Յորքում կայացած մամուլի ասուլիսում հայտարարել է. «Մոսկվան դրական է գնահատում ՀԳՀԾ-ի շուրջ ստեղծված իրավիճակը և այս պայմաններում ամենակարևոր քայլը համարում է Միացյալ Նահանգների՝ ՀԳՀԾ վերադառնալու մեխանիզմի ստեղծումը»:
«Ռուսաստանը հույս ունի, որ ԱՄՆ-ն կփորձի իրատեսորեն ընկալել ՀԳՀԾ-ի կարևորությունը և կվերադառնա միջուկային գործարք», -ասել է Պոլյանսկին:
Նա ընդգծել է.«ՀԳՀԾ-ի լիարժեք իրականացումը նշանակում է «ճշգրիտ և լուրջ ժամկետի շրջանակ», և համաձայնագրում փոփոխություն մտցնելու ցանկացած քննարկում կլինի ապակառուցողական քայլ»:
Իրանը և ՄԱԳԱՏԷ-ն կիրակի օրը համաձայնության եկան լրացուցիչ արձանագրության իրագործումը լիովին դադարեցնելու շուրջ:
