Սև ծովում շարունակվում են ՆԱՏՕ-ի և Վրաստանի համատեղ վարժանքները
ՆԱՏՕ-ի և Վրաստանի միջև Սև ծովում ընթացող համատեղ վարժանքները շարունակվում են: Վարժանքներին ներգրավված են չորս ռազմանավից բաղկացած ՆԱՏՕ-ի նավախումբը և Վրաստանի առափնյա պահպանության ուժերը:
ՆԱՏՕ-ի նավախումբը, որը Սև ծով է մուտք գործել մարտի 15-ին, ծովակալ Մանուել Ագիրե Ալդերջիայի ղեկավարությամբ, բաղկացած է Իսպանիայի CRISTOBAL COLON, Ռումինիայի REGINA MARIA, Թուրքիայի KEMALREIS և Բուլղարիայի SMELI նավերից:
Նավախմբի մուտքը Սև ծով, իրականացվել է Վրաստանի նավատորմի և ՆԱՏՕ-ի անդամ երկրների միջև փոխգործակցության մակարդակի բարձրացման նպատակով:
Վրաստան-ՆԱՏՕ հարաբերությունները հաստատվել են նախկին ԽՍՀՄ փլուզումից մեկ տարի անց ՝ 1992 թվականին: 1994-ին Վրաստանը, մի քանի այլ նորանկախ երկրների հետ, միացավ ՆԱՏՕ-ի «Գործընկերություն հանուն խաղաղության» ծրագրին:
