Չինաստանը պատժամիջոցներ է սահմանել ամերիկյան ու կանադական մի քանի կազմակերպությունների և անձանց նկատմամբ
Ի պատասխան Սինցզյանի կապակցությամբ Պեկինի դեմ սահմանված պատժամիջոցների, Չինաստանը պատժամիջոցներ է սահմանել ամերիկյան ու կանադական մի քանի կազմակերպությունների և անձանց նկատմամբ:
Պատժամիջոցներ են սահմանվել ԱՄՆ երկու, Կանադայի մեկ քաղաքացու և մեկ կազմակերպության նկատմամբ:
Չինաստանի ԱԳՆ-ն հայտարարել է, որ Պեկինը պատժամիջոցներ է սահմանելու Կրոնական ազատության միջազգային հանձնաժողովի նախագահ Գիլ Մանչինի և փոխնախագահ Թոնի Պերկինսի դեմ:
Պատժամիջոցի է ենթարկվել նաև Կանադայի խորհրդարանի անդամ, խորհրդարանի արտաքին գործերի և միջազգային զարգացման մշտական հանձնաժողովի նախագահի տեղակալ Մայքլ Չանգին, ինչպես նաև ութ անդամ ունեցող, մարդու իրավունքների միջազգային հանձնաժողովը:
Չինաստանի ԱԳՆ հայտարարության մեջ ասված է, որ վերջիններս պետք է դադարեցնեն Սինցզյանգի հարցի քաղաքական շահարկումը, Չինաստանի ներքին գործերին միջամտությունը և զերծ մնան սխալ ճանապարհով գնալուց, քանի որ հակառակ դեպքում կտեսնեն դրա հետևանքները: