Հռոմի Ֆրանցիսկոս Պապն արձագանքել է Կանադայում բնիկ երեխաների զանգվածային գերեզմանի հայտնաբերմանը, սակայն ներողություն չի խնդրել
Կանադայի վարչապետի հայտարարությունից երկու օր անց, Հռոմի Պապն արձագանքել է Կանադայում կաթոլիկ եկեղեցու կողմից վերահսկվող գիշերօթիկ դպրոցում բնիկ երեխաների զանգվածային գերեզմանի հայտնաբերմանը:
Սուրբ Պետրոսի հրապարակում, հավատացյալների հետ հանդիպման ժամանակ, Ֆրանցիսկոսը Պապը ցավակցություն է հայտնել կանադացիներին և այդ երկրի բնիկներին՝ կաթոլիկ եկեղեցու կողմից վերահսկվող գիշերօթիկ դպրոցում 215 բնիկ երեխաների աճյունները հայտնաբերելու կապակցությամբ: Նա կոչ է արել հարգել բնիկների իրավունքները, սակայն ներողություն չի խնդրել այդ հարցում եկեղեցու դերի համար:
Ավելի վաղ, Կանադայի վարչապետ Ջասթին Թրյուդոն կաթոլիկ եկեղեցուն խնդրել էր ընդունել պատասխանատվություն այն դպրոցի ղեկավարման հարցում, որտեղ հայտնաբերվել էին 215 բնիկ երեխաների աճյուններ, և ներողություն խնդրել այդ կապակցությամվ:
2021 թվականի մայիսի 29-ին Կանադայի Բրիտանական Կոլումբիա քաղաքի կաթոլիկ եկեղեցու վերահսկողության տակ գջտնվող գիշերօթիկ դպրոցի տարածքում հայտնաբերվել են առնվազն 215 բնիկ երեխաների մարմիններ: