Բրյուսել. Մենք փորձում ենք ժամկետ ճշտել Վիեննայի բանակցություններին վերադառնալու համար
Dրական գնահատելով Իրանի ԱԳ նախարարի քաղաքական տեղակալի և այս կառույցի արտաքին քաղաքականության պատասխանատուի տեղակալի հանդիպումը, ԵՄ-ն հայտարարել է. «Մենք փորձում ենք ժամկետ ճշտել Վիեննայի բանակցություններին վերադառնալու համար»:
ԵՄ արտաքին քաղաքականության պատասխանատուի խոսնակ Փիթե Էսթանոն, ուրբաթ օրը բարձր է գնահատել Ալի Բաղերիի և Էնրիկե Մորայի հանդիպումը՝ հավելելով, որ հանդիպումը օգնեց ճանապարհ հարթել Վիեննայում բանակցությունների վերսկսման համար։
Չորեքշաբթի օրը, Թվիթերում անդրադառնալով Էնրիկե Մորայի հետ իր բանակցություններին, Բաղերին գրել էր. «Լուրջ և կառուցողական զրույց ունեցա Էնրիկե Մորայի հետ՝ հաջող բանակցությունների էական տարրերի մասին։ Մենք պայմանավորվեցինք բանակցությունները սկսել մինչև նոյեմբերի վերջ։ Հստակ ամսաթիվը կհայտարարվի հաջորդ շաբաթ»:
Իրանի ԱԳ նախարարի քաղաքական հարցերով տեղակալը հստակեցրել է.«Մյուս կողմերի անօրինական գործողությունների չկրկնվելը ԻԻՀ-ի անխուսափելի պահանջն է»:
Չնայած ՄԱԳԱՏԷ-ն բազմիցս զեկուցել է, որ Իրանը լիովին հավատարիմ է ՀԳՀԾ-ով ստանձնած իր բոլոր պարտավորություններին, ԱՄՆ կառավարությունը, 2018 թվականին միակողմանիորեն դուրս եկավ համաձայնագրից: Հակառակ իրենց պնդումների, ՀԳՀԾ-ի եվրոպական կողմերը ոչ մի լուրջ քայլ չեն ձեռնարկել միջուկային համաձայնագրով ստանձնած իրնեց պարտավորություններին համապատասխան: