ԱՊՀ երկրների հատուկ ծառայությունների ղեկավարների մասնակցությամբ հանդիպում է անցկացվելու Մոսկվայում
ԱՊՀ երկրների անվտանգության մարմինների և հետախուզական ծառայությունների ղեկավարների մասնակցությամբ սեպտեմբերի 30-ին խորհրդակցություն է անցկացվելու Մոսկվայում, հայտնում է Ռուսաստանի արտաքին հետախուզության մամուլի ծառայությունը։
Քննարկվելու են հետախուզական գործընթացին վերաբերող հարցեր, նշված է տեղեկագրում։
Ամենամյա միջոցառմանը մասնակցելու են Ռուսաստանի, Հայաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի և Ուզբեկստանի պատվիրակությունները:
«Խորհրդակցության ընթացքում նախատեսված է Ռուսաստանի Դաշնության նախագահի` տեսակոնֆերանսի ձևաչափով հանդիպումը ԱՊՀ երկրների հատուկ ծառայությունների ղեկավարների հետ», - նշված է հաղորդագրությունում։
Հանդիպմանը բացման խոսքով հանդես կգա ՌԴ արտաքին հետախուզության ծառայության ղեկավար Սերգեյ Նարիշկինը, նա կընթերցի Վլադիմիր Պուտինի ուղերձը։
