Տվյալները փաստում են, որ Լեհաստանը հրթիռակոծվել է ուկրաինական ՀՕՊ հրթիռներով. Ստոլտենբերգ
Նոյեմբեր 16, 2022 16:18 Asia/Tehran
Լեհաստանում տեղի ունեցած հրթիռային միջադեպի մասին նախնական տեղեկությունները վկայում են, որ դրանք եղել են ուկրաինական հակաօդային պաշտպանության հրթիռներ։
Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը՝ ամփոփելով Լեհաստանում տեղի ունեցած միջադեպի վերաբերյալ Հյուսիսատլանտյան խորհրդի մշտական ներկայացուցիչների մակարդակով նիստի արդյունքները։
Ստոլտենբերգը նաև ասել է, որ դաշինքը չունի որևէ ապացույց, որ Լեհաստանի տարածքը միտումնավոր է հրթիռակոծվել։
«Մենք չունենք տվյալներ, որոնք վկայում են, որ սա դիտավորյալ հարձակում է եղել»,- ասել է նա։
Յենս Ստոլտենբերգը նաև ընդգծել է՝ ՆԱՏՕ-ն նշաններ չի տեսնում, թե Ռուսաստանը հարձակում է նախապատրաստում դաշինքի վրա։
armeniasputnik.am
Պիտակ
