Ռուսաստան. Ուկրաինայի պատերազմը շահավետ է ԱՄՆ ռազմական արդյունաբերության համար
ՌԴ ԱԳՆ-ի հյուսիսամերիկյան դեպարտամենտի տնօրենն ասել է.«Ուկրաինայում բախումները շատ շահավետ են եղել ԱՄՆ-ի ռազմական արդյունաբերության համար»։
Ուկրաինայի դեմ Ռուսաստանի պատերազմի սկզբից անցել է 10 ամիս։ ԱՄՆ-ը և եվրոպական երկրները շարունակում են աջակցել Ուկրաինային , ինչը պատերազմի շարունակման պատճառ է դառնում:
ՏԱՍՍ լրատվական գործակալության փոխանցմամբ՝ ՌԴ ԱԳՆ Հյուսիսային Ամերիկայի դեպարտամենտի տնօրեն Ալեքսանդր Դարչիևն ասել է. «Թեև ԱՄՆ-ում կան բազմաթիվ ներքին տարաձայնություններ Ուկրաինայի պատերազմի վերաբերյալ, սակայն ԱՄՆ-ում բոլորը համաձայն են, որ այս պատերազմը շահավետ է ԱՄՆ-ի ռազմարդյունաբերության համար: Ամերիկացիները կարծում են, որ Ուկրաինայի պատերազմը շահավետ ներդրում է ամերիկյան անվտանգության համար»
Դարչիևը հավելել է. «Ամերիկայում ոչ ոք չի հասկանում ուկրաինական պատերազմին ԱՄՆ-ի չափից ավելի ներգրավվածության վտանգը»:
Ռուս այս պաշտոնյան նշել է, որ ողջամտություն չի նկատվում քաղաքական վերնախավերից ոչ մեկի մոտ՝ թե՛ դեմոկրատական, թե՛ հանրապետական կուսակցություններից։
Եվրոպական և արևմտյան երկրները, հատկապես ԱՄՆ-ը, ուժեղացնելով Ռուսաստանի Դաշնության դեմ պատժամիջոցների ճնշումը և Կիևին բոլոր տեսակի թեթև ու ծանր սպառազինություններ մատակարարելով, ոչ միայն քայլ չձեռնարկեցին ուկրաինական պատերազմը դադարեցնելու ուղղությամբ, այլ խթանեցին հակամարտությունների կրակն այս երկրում:
Ռուսաստանը բազմիցս ասել է, որ Ուկրաինա արևմտյան զենք ուղարկելը միայն կերկարաձգի հակամարտությունն այս երկրում և կունենա անկանխատեսելի հետևանքներ։
