Իրանն ու Ռուսաստանը համագործակցում են Հյուսիս-Հարավ միջանցքի շուրջ
ParsToday - Ռուսաստանում Իրանի դեսպանը հայտարարել է երկու երկրների վճռականության մասին՝ զարգացնելու երկկողմ համագործակցությունը տարբեր ոլորտներում, այդ թվում՝ Հյուսիս-Հարավ միջանցքում, տարանցիկ նախագծերում և գազի փոխադրման ոլորտում։
Հղում անելով Mehr լրատվական գործակալությանը, Pars Today-ը հաղորդում է, որ Ռուսաստանում Իրանի Իսլամական Հանրապետության դեսպան Քազեմ Ջալալին Իրանի և Ռուսաստանի միջև տնտեսական համագործակցության մշտական հանձնաժողովի 18-րդ նիստին մասնակցող իրանցի անդամների հետ հանդիպման ժամանակ ասել է. «Իրան-Ռուսաստան հարաբերությունները զարգանում են, և համագործակցության ուղիները բաց են, և դրանք այժմ ապրում են իրենց ոսկե դարաշրջանը»։
Մատնանշելով հարևանությունը որպես հարաբերությունների ամրապնդման գործոններից մեկը՝ Ջալալին հավելեց. «Հաշվի առնելով Իրանի և Ռուսաստանի հարևանությունը, երկու երկրների միջև հարաբերությունների զարգացումը անհրաժեշտություն է»։
Ռուսաստանում Իրանի դեսպանը տարածաշրջանային հարցերում և միջազգային ուժային կառուցվածքում Իրանի և Ռուսաստանի ընդհանուր սերտ մոտեցումները համարեց երկրորդ գործոնը երկկողմ հարաբերությունները զարգացնելու համար և հայտարարեց. Ռուսաստանը ևս միացել է Իրանի Իսլամական Հանրապետության կողմից միջազգային ասպարեզում ստեղծված դիսկուրսին։ Դրա օրինակն է BRICS-ի դիսկուրսը։
Իրանի և Ռուսաստանի փոխադարձ կարիքը միմյանց նկատմամբ
Անդրադառնալով Իրանի և Ռուսաստանի միջև Համապարփակ ռազմավարական համագործակցության մասին պայմանագրի վավերացմանը Դաշնային ժշողովում և երկրի Դումայում, Ջալալին նշեց, որ Ռուսաստանը ձգտում է, Սև ծովի ճանապարհից բացի, բացել այլ ուղիներ ապրանքների արտահանման համար, և հավելեց. «Հյուսիս-Հարավ միջանցքի նախագծին 500 միլիարդ դոլարի բյուջեի հատկացումը վկայում է այդ երկրի լուրջ վճռականության մասին՝ ակտիվացնելու հյուսիսային շրջաններում գտնվող Հյուսիսային անցուղին»։
Ռուսաստանում Իրանի դեսպանը հայտարարել է, որ հյուսիսային միջանցքներով ապրանքների տեղափոխումն այժմ ընթացքի մեջ է՝ հավելելով. «2022 թվականին այս երթուղով անցել է մոտ 3.7 միլիոն տոննա ապրանք, որը 2023 թվականին աճել է մոտ 33 միլիոն տոննայով»։
Իրանը կարող է դառնալ աշխարհի երկրորդ Սուեզի անցուղին
Ընդգծելով, որ Հյուսիս-Հարավ միջանցքը առավելություն է Իրանի համար և անհրաժեշտություն՝ Ռուսաստանի համար, Ռուսաստանում Իրանի դեսպանը հայտարարել է. «Այս միջանցքի փորձնական գործարկմամբ, դեպի Եվրոպա ճանապարհը բացվելու դեպքում Իրանը կարող է դառնալ աշխարհի երկրորդ Սուեզի անցուղին և նույնիսկ աշխարհի ամենակարևոր և առաջին տարանցիկ ճանապարհը։ Իրանի տարածքով Հյուսիս-Հարավ միջանցքի ավարտը կբարձրացնի երկրի անվտանգության գործոնը միջազգային մակարդակով։
Ռուսաստանի հետ Իրանի առևտրային փոխանակումների մակարդակը բարձրացնելու անհրաժեշտությունը
Ջալալին դրական գնահատեց Ռուսաստանի առաջարկը՝ Իրանի միջոցով գազ տեղափոխելու վերաբերյալ և ընդգծեց. «Այս ծրագիրը պետք է իրականացվի հնարավորինս շուտ»։ Իրանցի դիվանագետը հայտարարել է, որ Ռուսաստանի տնտեսությունը կարիք ունի իրանական ապրանքների ներմուծման, հավելելով. «Ռուսաստանի մաքսային ծառայության զեկույցի համաձայն՝ երկու երկրների միջև առևտրի մակարդակը հասել է 5 միլիարդ դոլարի, որը նախորդի ժամանակաշրջանի համեմատ աճել է»։ Անդրադառնալով Իրան-Եվրասիական տնտեսական միության ազատ առևտրի համաձայնագրի ստորագրմանը և 2025 թվականի մայիսի 15-ից դրա իրականացմանը՝ Ռուսաստանում Իրանի դեսպանն ասել է. «Իրանցի գործարարները պետք է մուտք գործեն այս կարևոր շուկա և, ապրանքների արտահանման ծավալները մեծացնելով, բարելավեն Ռուսաստանի հետ առևտրային փոխանակումների մակարդակը»։
Նախօրեին՝ ապրիլի 23-ին Մոսկվայում մեկնարկել են Իրանի Իսլամական Հանրապետության և Ռուսաստանի Դաշնության միջև տնտեսական համագործակցության 18-րդ համատեղ հանձնաժողովի փորձագիտական հանդիպումները։
