Օբամայի այցի ժամանակ Մադրիդում ԱՄՆ դեսպանության առջեւ բողոքի ակցիա է անցկացվել
Հուլիս 10, 2016 21:24 Asia/Tehran
ԱՄՆ նախագահ Բարաք Օբամայի՝ Իսպանիա այցի ժամանակ Մադրիդում Միացյալ Նահանգների դեսպանության առջեւ բողոքի ակցիա է անցկացվել ամերիկյան քաղաքականության դեմ: Այս մասին գրում է ՌԻԱ Նովոստին:
«Մարդիկ եւ մոլորակն ապրանք չեն», «Իմպերիալիզմն ահաբեկչություն է» եւ այլ գրությամբ պաստառներով շուրջ 300 մարդ է մասնակցել ցույցին: Ակցիաներ են անցկացվել նաեւ Սեւիլիայում, Կադիսում, Կորդովայում եւ այլ քաղաքներում:
Դալլասում տեղի ունեցած ողբերգության պատճառով Օբաման ստիպված է եղել կրճատել Իսպանիա այցի ժամկետները. նա այդ երկրում կլինի մեկ օրից էլ պակաս:
Սպիտակ տան ղեկավարը հանդիպել է Իսպանիայի Ֆիլիպ VI թագավորին, բանակցել վարչապետ Մարիանո Ռախոյի հետ: Այնուհետեւ նա կհանդիպի ընդդիմադիր երեք կուսակցությունների առաջնորդներին: