Գերմանիայում տեղի է ունեցել զանգվածային բախում գերմանացիների և միգրանտների միջև
Գերմանիայի Շվերին քաղաքում տեղի է ունեցել զանգվածային բախում գերմանացիների և միգրանտների միջև: Այս մասին հաղորդում է «Արմենպրես»-ը` վկայակոչելով «ՌԻԱ Նովոստի» գործակալությունը:
Զանգվածային անկարգությանը մասնակցել է 40 մարդ: Դեպքի վայր ժամանած ոստիկաններին հաջողվել է օպերատիվ կերպով հեռացնել կոնֆլիկտի կողմերին: Դեպքի փաստի առթիվ հարուցվել է քրեական գործ «հասարակական կարգը խախտելու» հոդվածի հիմքով:
Չնայած քաղաքի կենտրոնում իրավապահ մարմինների կողմից ուժեղացված ռեժիմին, այնտեղ բախումներ հաճախ են տեղի ունենում: Իրավապահ մարմինների տրամադրած տեղեկատվության համաձայն, քաղաքի կենտրոնում մշտապես հավաքվում են միգրանտների խմբեր: Հավաքվողները հիմնականում անչափահաս են:
Օրեր առաջ մի քանի սիրիացիներ հարձակվել են օտարերկրացիների վրա և սպառնացել դանակով: Վեճի ժամանակ ծեծվել է տեղի բնակիչներից մեկը, ով փորձել է կանգնեցնել խուլիգաններին: Հարձակվողները ձերբակալվել էին:
Armenpress.am