Օբաման՝ Մյանմարի դեմ սահմանված առեւտրային պատժամիջոցները վերջնականապես չեղարկելու մասին

ԱՄՆ նախագահ Բարաք Օբաման հայտարարել է Մյանմարի դեմ 1989 թվականին, երկրում ռազմական բռնապետության հաստատումից հետո, սահմանված առեւտրային պատժամիջոցները վերջնականապես չեղարկելու մասին: Այս մասին հաղորդում է BBC-ն:

Սպիտակ տան հավաստմամբ՝ Հարավային Ասիայի խոշորագույն երկրներից մեկում ժողովրդավարության վերականգնման հաջող գործընթացը նշանակում է, որ այդ պետության քաղաքականությունն այսուհետ սպառնալիք չէ Ամերիկայի ազգային անվտանգության համար:

«Չնայած երկրին լուրջ փորձություններ են սպասվում, այդ թվում՝ ժողովրդավարության ամրապնդման հարցում, ԱՄՆ-ն մտադիր է սատարել Մյանմարի ժողովրդին եւ կառավարությանն այդ դժվարությունները հաղթահարելու ճանապարհին»,- Կոնգրեսին ուղղված բաց նամակում գրել է Օբաման:

Ամեն դեպքում, ռազմական խունտայի հետ կապված «սեւ ցուցակից» 100 ընկերությունների դեմ պատժամիջոցներն ուժի մեջ են մնում:

News.am