Շվեդացիները բացատրություն են պահանջել Թրամփից
Համակիրների հավաքում ԱՄՆ-ի սկանդալային նախագահի ելույթից հետո Շվեդիայի ԱԳ նախարարությունը կիրակի օրը բացատրություն է պահանջել Դոնալդ Թրամփից:
ԻՌՆԱ-ի հաղորդման համաձայն`շաբաթ օրը Ֆլորիդայում ունեցած ելույթում Թրամփը խոսել էր Շվեդիայում տեղի ունեցած ինչ որ միջադեպի մասին, որն իրականում տեղի չէր ունեցել:
ԱՄ-ի նախագահն իր ելույթի ընթացքում մի քանի անգամ կրկնել էր «Տեսեք Շվեդիայում ի՞նչ է տեղի ունեցել» արտահայտությունը: «Շվեդացիները հիմա դիմագրավում են այնպիսի խնդիրներ, որոնց մասին ավելի վաղ որևէ պատկերացում չունեին». ասել է նա:
Թրամփի այդ զարմանալի հայտարարությունից հետո Վաշինգտոնում Շվեդիայի դեսպանությունն ԱՄՆ պետքարտուղարությունից բացատրություն է պահանջել նախագահի հայտարարության համար:
Հականշական է, որ ԱՄՆ-ի հոգեկան առողջության ոլորտի 35 մասնագետներ ավելի վաղ հայտարարել են, որ Թրամփի հայտարարություններն ու պահվածքն ապացուցում են, որ նա իրականությունը ճիշտ չի ընկալում:
