Շվեդիան պատասխանել է Թրամփին
Շվեդիայի կառավարությունը վիճակագրական տվյալներ ներկայացնելով հերքել է այդ երկրում միգրանտների ու հանցագործությունների միջև եղած կապի մասին ԱՄՆ-ի նախագահի հայտարարությունը:
Համաձայն «Ֆրանս Պրես»-ի շաբաթ օրը կատարած հաղորդման, Շվեդիայում միգրանտների և հանցագործությունների միջև կապի մասին ԱՄՆ-ի նախագահի հայտարարությունից հետո, Շվեդիայի կառավարությունը հրապարակել է վերջին ամիսների ընթացքում այդ երկրում իրականացված ահաբեկչական հարձակումների թիվը:
Շվեդիայի կառավարությունը, որի միգրացիոն քաղաքականությունը Թրամփը հարցականի տակ էր դրել, հայտարարել է, որ 2014 և 2015 թվականներին ընդունել է 244 հազար միգրանտների:
Շվեդիայի ԱԳ նախարարությունն անդրադարձել է նաև ահաբեկչության թեմային հայտարարելով, որ այդ երկրում իրականացված միակ ահաբեկչական հարձակումը գրանցվել է 2010 թվականի դեկտեմբերին, որը ոչ մի զոհ չի խլել և մահապարտը Ստոկհոլմի կենտրոնում իրեն պայթեցրել է:
Վերջերս ԱՄՆ նախագահ Դոնալդ Թրամփը Ֆլորիդայում իր համակիրների հետ հանդիպման ժամանակ անդրադարձել էր Շվեդիայում տեղի ունեցած ինչ որ ահաբեկչական դեպքի, որն իրականում տեղի չի ունեցել:
Այս հայտարարությունից հետո ԱՄՆ-ի նախագահը միջազգային մասշտաբով ծաղր ու ծանակի թեմա է դարձել:
