Իրանի ու Ռուսաստանի փոխարտգործնախարարները քննարկել են Ռոհանիի Մոսկվա կատարելիք ուղևորության ծրագիրը
Իրանի ու Ռուսաստանի փոխարտգործնախարարները հինգշաբթի օրը Մոսկվայում քննարկել են ԻԻՀ նախագահի մոտ օրերս Ռուսաստան կատարելիք ուղևորության ծրագիրը:
ԻՌՆԱ-ի հաղորդման համաձայն` ԻԻՀ ԱԳ նախարարի Ասիայի ու Օվկիանիայի հարցերով տեղակալ Էբրահիմ Ռահիմփուրը և Ռուսաստանի փոխարտգործնախարար Իգոր Մորգուլովը քննարկել են նաև երկու երկրի համագործակցությունների հետ կապված մի շարք հարցեր:
Կրեմլը հինգշաբթի օրը պաշտոնական հաղորդագրություն տարածելով հայտարարեց, որ մարտի 27-ին, Ռուսաստանի նախագահ Վլադիմիր Պուտինի պաշտոնական հրավերով, ԻԻՀ նախագահ Հասան Ռոհանին կմեկնի Մոսկվա:
Հաղորդագրության համաձայն` Իրանի ու Ռուսաստանի նախագահները առաջիկա երեքշաբթի կհանդիպեն Կրեմլում:
Ռուսաստան կատարելիք այցի ընթացքում Ռոհանիին կուղեկցի քաղաքական ու առևտրական բարձրաստիճան պատվիրակություն:
Ծրագրումների համաձայն` Իրանի ու Ռուսաստանի նախագահները ստորագրելու են 10 կարևոր ու հիմնական փաստաթղթեր, նաև երկու երկրի հարաբերությունների ընդլայնման ուղեքարտեզը: