Կրեմլում կայացել է Պուտինի և Ռոհանիի հանդիպումը
Երեքշաբթի օրը, Մոսկվայում կայացել է Իրանի և Ռուսաստանի նախագահների հանդիպումը:
Իրանի ռադիո-հեռուստատեսության լրատվական գործակալության հաղորդման համաձայն` Կրեմլի պալատում Վլադիմիր Պուտինը դիմավորել է ԻԻՀ նախագահ Հասան Ռոհանիին և երկկողմ բանակցություններ են ընթանում:
Հանդիպման ավարտին ստորագրվելու են ռազմավարական համագործակցության փաստաթղթեր քաղաքական, տնտեսական, ֆինանսական ու բանկային, տրանսպորտի ու քաղաքաշինության, հաղորդակցական տեխնոլոգիաների, էներգետիկայի և ստանդարդի ոլորտներում: Վերջում ընթերցվելու է Իրան-Ռուսաստան ռազմավարական համագործակցությունների մասին հաղորդագրությունը:
Վերջին երեք ու կես տարիների ընթացքում սա Պուտինի և Ռոհանիի 9-րդ հանդիպումն է:
Մոսկվայում բնակվող իրանցիների հետ հանդիպումը Ռուսաստանում ԻԻՀ նախագահի վերջին ծրագիրն է լինելու: