Ստրուկների վաճառքի շուկա՝ Լիբիայում
Եվրոպա մեկնող փախստականները որպես ստրուկ վաճառքի են հանվում Լիբիայի շուկաներում:
ԻՍՆԱ-ի հաղորդման համաձայն, ՄԱԿ-ին կից Միգրացիայի միջազգային կազմակերպությունը հայտարարել է, որ մարդու թրաֆիկինգով զբաղվողները Լիբիան ստրուկների շուկաներ բացելու համար հարմար վայր են համարել ու գերության վերցնելով Եվրոպա մեկնող փախստականներին նրանց պարտադիր աշխատանքի է լծում:
Լիբիայում միգրանտների հանդեպ բռնության ու դրամաշորթության բազմաթիվ դեպքեր են գրանցվել: Սակայն Միգրացայի կազմակերպության հայտարարության համաձայն այսօր Լիբիայում ստրուկների վաճառքի բացահայտ շուկաներ են գործում:
Միգրացիայի միջազգային կազմակերպությունը հայտարարեց, որ ստրուկների կալանավայրերում նրանց սպառնում են թերսնումը, սեռական բռնությունն ու նույնիսկ սպանությունը:
Լիբիայի ազգային միասնականության կառավարությունը ներքին խռովությունների ու նաև ահաբեկչական խմբերի ներկայության պատճառով չի կարողանում էֆեկտիվ կերպով վերահսկել այդ երկրի ծովային ու ցամաքային սահմանները և Լիբիայի ափերը դարձել են մեկնակետ հազարավոր փախստականների ու միգրանտների համար, ովքեր ցանկանում են Եվրոպա մեկնել: