Թուրքիան և Կատարը համաձայնության են եկել Դոհայում համատեղ զորակայան ստեղծելու հարցում
Թուրքիայի նախագահի Կատար այցին համընթաց, Անկարայի պետայրերը հայտարարել են, որ երկու երկրները համաձայնության են եկել Դոհայում համատեղ զորակայան ստեղծելու և այդ վայրում թուրք զինծառայողների ներկայության շուրջ:
Երեքշաբթի օրը Ռեջեբ Թայիբ Էրդողանը Դոհայում հանդիպում-զրույց է ունեցել կատարցի պետայրերի հետ:
Ըստ Press tv հեռուստաընկերության հաղորդման, Թուրքիայի պաշտպանության նախարարության տեղակալի օգնական Էհսան Բուլբուլն ասել է.«Կատարի հետ ռազմական համաձայնության շրջանակում, որոշվել է Դոհայում շահագործման հանձնել Թուրքիայի և Կատարի համատեղ ուժերի տակտիկական զորակայանը»:
Նշելով, որ Դոհայի զորակայան են գործուղվելու 500-600 թուրք զինծառայողներ, Բուլբուլը հավելել է.«Զորակայանում տեղակայվելու է ուսումնավարժանքների աշխատախումբ»:
Թուրքիայի պետայրերի հայտարարությամբ, Դոհայում զորակայանի ստեղծումը նպաստելու է երկու երկրում ահաբեկչության դեմ մղվող պայքարին : Դա այն դեպքում, երբ Թուրքիան ու Կատարը համարվում են Սիրիայում ահաբեկչական տարբեր խմբավորումների աջակիցները:
