Կահիրեում մեկնարկել է Կատարը շրջափակող երկրների քառակողմ նիստը
Կահիրեում Եգիպտոսի, Արաբիայի , Արաբական միացյալ էմիրությունների և Բահրեյնի ԱԳ նախարարները նիստ են գումարել` Դոհայի պատասխանը քննարկելու նպատակով:
Ինչպես հաղորդում է «Ալ-յոմ Ալ-Սաբեը» լրատվական կայքը , Եգիպտոսի ԱԳ նախարար Սամեհ Շոքրին, Բահրեյնի ԱԳ նախարար Շեյխ Խալեդ Բեն Ահմեդ Ալ Խալիֆան , ԱՄԷ-ի ԱԳ նախարար Շեյխ Աբդուլլահ Բեն Զայեդ Ալ Նահյանը և Արաբիայի ԱԳ նախարար Ադել Ալ-Ջուբեյրը, հուլիսի 5-ին Կահիրեում նիստ են գումարել Կատարի ճգնաժամի հետ կապված իրադարձությունները քննարկելու նպատակով:
Արաբական վերոնշյալ երկրները նիստում նպատակ ունեն համադրել իրենց դիրքորոշումները Դոհայի նկատմամբ կատարելիք հետագա քայլերի կապակցությամբ:
Արաբիան, Արաբական միացյալ էմիրությունները, Բահրեյնը և Եգիպտոսը Դոհայի հետ հարաբերությունները վերականգնելու համար 13 նախապայմաններից կազմված պահանջագիր էին ներկայացրել Կատարին, որը արժանացել է Կատարի բացասական պատասխանին:
