Դատապարտվել է Վենեսուելայի դեմ ԱՄՆ-ի կողմից հավանական ռազմական միջամտությունը
Հարավամերիկյան երկրների և Իսպանիայի քաղաքական տարբեր խմբակցություններ և լուսակցություններ դատապարտել են ԱՄՆ-ի նախագահի վերջին սպառնալիքը:
«Թելե սուր» գործակալության հաղորդմամբ՝ Ուրուգվայի «Լայն ճակատ» իշխող կուսակցության պարգամավորները չորեքշաբթի երեկոյան մի հաղորդագրություն տարածելով, դատապարտել են Վենեսուելայում ռազմական հավանական միջնորդության կապակցությամբ ԱՄՆ նախագահ Դոնալդ Թրամփի հնչեցրած սպառնալիքը:
Հաղորդագրությունում նշված է.«Ուրուգվայի «Լայն ճակատ» իշխող կուսակցության պարգամավորները Վաշինգտոնի սպառնալիքը համարում են միջազգային օրենքների սկզբունքներին դեմ քայլ և դատապարտում են այն»:
Ըստ հաղորդագրության , Վենեսուելայում ճգնաժամը պետք է կարգավորվի միմիայն այդ երկրի ժողովրդի կողմից և տարբեր խմբերի միջև խաղաղ բանակցությունների ու փոխըմբռնման հիմունքով:
Իսպանիայի տարբեր կազմակերպությունների ու կուսակցությունների ներկայացուցիչները ևս ընդդիմացել են Վենեսուելայի դեմ Թրամփի սպառնալիքին:
Հաղորդագրություն է հրապարակել նաև Էկվադորի կառավարությունը, որում ասվում է.«Պետք է ի լուր միջազգային հանրությանը հայտարարել, որ Լատինական Ամերիկան խաղաղության ու կայունության տարածք է և անհրաժեշտ է, որպեսզի բոլոր երկրները հանձնառու լինեն արտաքին սպառնալիքներից այդ երկրներին պաշտպանելու հարցում»:
Դոնալդ Թրամփը վերջերս հայտարարել էր, որ Վենեսուելայում անհանդարտությունների կարգավորման համար, քննարկում է տարբեր լուծումներ, այդ թվում` ռազմական տարբերակը: