Միջազգային կազմակերպությունները պահանջել են անհապաղ վերջ դնել Եմենի վրա Արաբիայի հարձակումներին
Երեք միջազգային կազմակերպություններ պահանջել են անհապաղ վերջ դնել Սաուդյան ռեժիմի կողմից Եմենի վրա իրականացվող հարձակումներին և օգնություն տրամադրել այդ երկրի ժողովրդին:
Ինչպես հաղորդում է Անատոլու լրատվական գործակալությունը, ՄԱԿ-ի Մանկական հիմնադրամ՝ ՅՈՒՆԻՍԵՖ-ը, Առողջապահության համաշխարհային կազմակերպությունը, և Պարենի համաշխարհային ծրագիրը համատեղ հայտարարություն են տարածել, որում նշել են, որ Սաուդյան ռեժիմի կողմից Եմենի վրա իրականացվող հարձակումները երկրում հումանիտար ճգնաժամ են առաջացրել:
Ըստ հաղորդման՝ Եմենի ժողովրդի 75 տոկոսը ,ներառյալ 11 միլիոն 300 հազար երեխաներ մարդասիրական օգնությունների հույժ կարիք ունեն:
«Եմենցիների առնվազն 60 տոկոսը տառապում են սննդի անվտանգության բացակայության, իսկ 16 միլիոնը մաքուր ջրին հասանելիություն չունենալու պատճառով»․ ասված է հաղորդագրության մեջ:
«Եմենում հիվանդանոցների ու էլեկտրակայանների խիստ կարիք է զգացվում, և երեք միլիոն եմենցի վառելիքի կարիք ունի, սակայն այդ երկրում վերջերս վեց անգամ ավելացել է վառելիքի ու խմելու ջրի գինը»․ ընդգծվել է միջազգային կազմակերպությունների համատեղ հաղորդագրության մեջ:
