Կարմիր խաչը և Կարմիր մահիկը զգուշացրել են Եմենում մարդկային աղետի մասին
Կարմիր խաչ և Կարմիր մահիկ հավաքականությունների միջազգային ֆեդերացիան զգուշացրել է Եմենում մարդկային աղետի մասին:
Իրանի ռադիո-հեռուստատեսության լրատվական գործակալության հաղորդման համաձայն, Իտալիայի Կարմիր խաչի նախագահ, Կարմիր խաչ և Կարմիր մահիկ հավաքականությունների միջազգային ֆեդերացիայի նախագահ Ֆրանչեսկո Ռուքան հայտարարել է, որ Եմենում սննդանյութի խիստ սակավության և երկրում վարակիչ հիվանդությունների աննախադեպ տարածման պատճառով, մեծ թվով եմենցիներ, հատկապես երեխաները մահվան առջև են կանգնած:
Նա նշել է, որ Եմենում մարդկային իրավիճակը ճգնաժամային է և երկրի շրջափակման շարունակվելով, միլիոնավոր մարդիկ սովի մեջ են հայտնվելու:
Կարմիր Խաչի այդ պաշտոնյան հավաստիացրել է, որ Եմենի տարբեր շրջաններում Սաուդյան Արաբիայի ռմբակոծությունների հետևանքով ոչնչացել են այդ երկրի հիմնաշենային կառույցները և առողջապահական համակարգը և խիստ դժվար է դարձել մարդկանց օգնություն ցուցաբերելը:
