Բրիտանացի լրագրող.«Լոնդոնի հակաիրանական մոտեցումն Արաբիային հաճոյանալու համար է»
Բրիտանացի լրագրողն ասել է.«Հակաիրանական բանաձևի նախագծի առաջարկով, Բրիտանիան փորձում է Եմենի ժողովրդի դեմ պատերազմի հարցում աջակցել Սաուդյան Արաբիային»:
Թասնիմ գործակալության հաղորդմամբ, «Politics First» երկամսաթերթի գլխավոր խմբագիր Մարկոս Պապադոպոլոսն ասել է.«ԱՄՆ-ի կողմից այս առաջարկը նշանակում է Եմենի խաղաղ բնակիչների դեմ ամենասարսափելի պատերազմի շարունակման հարցում աջակցել Սաուդյան Արաբիային, որպեսզի Ռիադը և ի վերջո ԱՄՆ-ն կարողան Եմենում տիրող ուժը լինել»:
Բրիտանացի լրագրողը հավելել է.«Բրիտանիան ցանկանում է, որպեսզի շարունակվի Եմենի դեմ Սաուդյան Արաբիայի պատերազմը, քանի որ ավելի քան 6 մլրդ. ֆունտ ստեռլինգ արժողությամբ զենք է վաճառել Սաուդյան Արաբիային այս պատերազմում օգտագործելու համար»:
«Բրիտանիայի կառավարությունը պետք է դատապարտվի միջազգային կառույցներում: Այդ երկիրն ու ԱՄՆ-ն աշխարհում մարդու իրավունքների մեծ խախտողներ են և նրանցից հետո հաջորդ տեղը պատկանում է Սաուդյան Արաբիային», շեշտել է Պապադոպոլոսը:
