Հանդիպել են Հյուսիսային Կորեայի առաջնորդը և Չինաստանի նախագահը
«Շին հուա» գործակալությունը հաստատել է Հյուսիսային Կորեայի առաջնորդի Չինաստան կատարած այցը, հայտարարելով.«Չինաստանի Դալիան քաղաքում կայացել է Կիմ Չունգ Ընի և Շի Ջին Պինգի հանդիպումը:
Երեքշաբթի օրը Չինաստանի նախագահի հետ ունեցած հանդիպմանը Հյուսիսային Կորեայի առաջնորդը հայտարարել է. «Եթե արևմտյան երկրները՝ այդ թվում ԱՄՆ-ը Հյուսիսային Կորեայի դեմ թշնամական քաղաքականություն չորդեգրի, այդ երկիրը միջուկային զենքի կարիք չի ունենա»:
Ասվում է, թե հանդիպմանը Կիմ Չունգ Ընը Շի Ջին Պինգին ասել է.«Եթե դադարեցվեն Հյուսիսային Կորեայի դեմ անվտանգության սպառնալիքները և թշնամական քաղաքականությունները, ապա կարելի է իրականացնել զինաթափման ծրագիրը»:
Անդրադառնալով ԱՄՆ նախագահի հետ իր առաջիկա հանդիպմանը, Հյուսիսային Կորեայի առաջնորդն ասել է, որ ակնկալում է ԱՄՆ-ի հետ բանակցության արդյունքում հաստատել փոխվստահության հարաբերություններ:
Հյուսիսային Կորեայի առաջնորդը և ԱՄՆ նախագահը մայիսին կամ հունիսի սկզբում հանդիպում են ունենալու: Դա այն դեպքում, երբ ավելի վաղ ամերիկացի պետայրերը մշտապես փորձել են Հյուսիսային Կորեային աշխարհին ուղղված սպառնալիք ներկայացնել:
